Бид энэ удаад “ Mobile news” буландаа реппер Quiza-гийн талаарх мэдээллийг онцолж байна. Учир нь түүний гэр бүлийн талаар сүүлийн өдрүүдэд нэлээдгүй мэдээлэл цахим ертөнцөөр цацагдаад байгаа билээ.
Реппер Quiza буюу Б.Батцэнгэлийнх хоёр охин, хоёр хүүтэй гэсэн мэдээлэл гарсан. Түүнийг урлагийнхан дотроо олон хүүхэдтэйд ордог бөгөөд хоёр охин, хоёр хүүгийн аав хэмээн бичжээ. Охидынх нь нэр Б.Сийлэн, Б.Уян харин хөвгүүд нь Б.Амар, Б.Амира хэмээн бичжээ. Түүнчлэн өнгөрөгч 6-р сарын 1-нд буюу “Эх үрсийн баяр”-аар Quiza-гийн гэргий О.Цолмон алдарт эхийн хоёрдугаар одон гардлаа гэсэн мэдээллийн дагуу бид түүнтэй холбогдож тодруулга авсан юм.
Тэрбээр хэлэхдээ: “ Миний охид ихэр бишээ. Гурван охин нэг хүүтэй. Том охин Б.Сийлэн, дунд охин Б.Уян бага охин Б.Амира харин хүүг нь Б.Амар гэдэг гэж хэлсэн юм. Түүний эхнэрийг Ц.Цолмон гэдэг бөгөөд өнгөрсөн эх үрсийн баяраар алдарт эхийн хоёрдугаар одон авсан гэнэ. Ингээд өнөр өтгөн сайхан гэр бүлдээ зол жаргал ерөөе.
Дашрамд дуулгахад Реппер Quiza буюу Б.Батцэнгэл Нийслэлийн Соёл Урлагийн Газрын Даргаар ажиллаж байгаа билээ.
Б.Хорлоо
