Баяр агсны хүү Хонгор аавьнхаа авьяасыг өвлөж, нэр хүндийг нь гаргаж яваа. Тэрээр Анир хэмээх бүсгүйтэй сүр дуулиантай хурим хийснээс хойш уран бүтээлийн ажлаа түр орхин хувийн амьдралаа анхаарах болсон.
Тэгвэл хэсэг хугацаанд нам жим байсан Б.Хонгор уран бүтээл хийж эхэлсэн таатай мэдээг дуулгая. Тэрээр шинэхэн дууныхаа үг, аяыг нь өөрөө зохиож "Мөрөөдлийн театр"-ын залуу жүжигчин О.Дөлгөөнтэй хайр, сэтгэлтэй болж клипэндээ тогложээ.
Уг дуугаа хайрт гэргийдээ зориулсан бөгөөд клипыг нь ACE интэртаймэнтийн уран бүтээлчид хийсэн байна. Тэрээр "Чин сэтгэлийнхээ үгсийг аялгуу эгшигээр чимэглэн ханьдаа зориулан бичлээ. Энэ дуу зөвхөн миний төдийгүй монголын мянга, мянган хосуудын баярласан сэтгэлийн илэрхийлэл болон олон жил эгшиглээсэй хэмээн хүсч байна" хэмээн сэтгэлийн үгээ ч бичжээ.
Ингээд Б.Хонгорын энэ зуны анхны уран бүтээл "Баярлалаа" дууны видеог хүргэж байна.
www.URLAG.mn
