Энэ удаагийн "Mobile News"-ээр "Мисс Монголия 2010” тэмцээний ялагч Б.Бадамцэцэгтэй холбогдож "Мисс Бадамцэцэгт баян эр үнэтэй машин авч өгсөн" хэмээх мэдээлэлд тодруулга авсанаа уншигчиддаа хүргэж байна.
Тэрээр мисс бүсгүй алтны магнат хижээл эрээс Ланд Крузейр 200 маркийн машин бэлгэнд авснаас гадна өөр Рояал Кроун машин авсан ба одоо энэ эрээс холбоогоо таслан хөндийрсөн хэмээн шар мэдээллийн сайтуудаар тараад байсан юм. Энэ талаар мисс бүсгүйгээс тодруулахад, Би хувьдаа машин байхгүй, харин тэр бичээд байгаа сайтуудаас энэ үнэтэй машинуудаа нэхэмжилмээр юм байна хэмээн хариулсан юм. Тиймээс энэ мэдээлэл ор үндэслэлгүй гэдгийг тэрээр өөрөө ийнхүү үгүйсгэлээ.
Түүнчлэн загвар өмсөгч, мисс эмэгтэйчүүдийн ард үргэлж баян эр байдаг гэсэн логикт сэтгэл дундуур явдагаа ч илэрхийлсэн билээ. “Мисс, загвар өмсөгч эмэгтэй гэхээрээ л заавал баян хүнтэй холбон тэднээр ивээн тэтгүүлдэг гэсэн ойлголтод би сэтгэл дундуур явдаг. Миний үеийн болоод өөр олон эмэгтэйчүүд мэдлэг боловсролоороо өөрийгөө хөгжүүлээд явж байхад тэднийг баян хүнээр ивээн тэтгүүлэгч гэж харж байгаа энэ сэтгэхүйгээ одоо арилгах хэрэгтэй болов уу” гэж тэрээр ярьсан юм.
Мисс бүсгүйн хувьд одоогоор амралтын байдалтай байгаа ч кинонд тоглох 2 урилга ирсэн бөгөөд зохиолтойгоо танилцаад хариу өгөх аж. Ямартаа ч зуны дэлгэр цагаа үр бүтээлтэй өнгөрүүлж буй мисс бүсгүй тун удахгүй дахин дэлгэцнээ гарч магадгүй аж.
Эх сурвалж: www.Mobilenews.mn
