Монгол нэг л буруу (шүлэг)

Хаа сайгүй бухимдал
Хий хоосон хэнхэгнэл
Хамар доор минь ядуучууд
Хогийн савнаас гуйлга гуйна
Монгол нэг л буруу…

Өнгө мөнгөнд шунагсад
Өрөөл бусдад атаархагсад
Өнөөдрийн амьдралаа гологсод
Өөрөө өөрийгөө хуурагсад
Амин хувиа хичээгсэд
Архины төлөө амьдрагсад
Ахин олдохгүй төрлөө
Араатан болгон хувиргагсад
Монгол нэг л буруу

Гүндүйгүй монголоо гээгдэгсэд
Гүрэн улсаа худалдагсад
Гадны хөлийг угаагсад
Гал голомтоо унтраагсад
Сайд даргаар түрүү баригсад
Сархадын шилээр гэрээ баригсад
Зөвөөр явааг нь хэлмэгдүүлэгсэд
Зүггүй явааг нь энхрийлэгсэд
Монгол нэг л буруу

Худал хуурамчинд үүрлэгсэд
Хужаа санаатанд дурлагсад
Хуурамч нэр хөөгсөд
Хууль цаазыг гишгэгсэд
Буруу замаар замнасан
Бохир гарт гишүүд
Монгол нэр зүүсэн
Модон толгойтын сүрэг

Хаа сайгүй бухимдал
Хий хоосон хэнхэгнэл
Хамар доор минь ядуучууд
Хогийн савнаас гуйлга гуйна
Монгол нэг л буруу…

www.URLAG.mn