Богд хааны зарлигаар Дарьгангын Алтан-Овоог төрийн тахилгатай болгосны 100 жилийн ойг тэмдэглэх хүрээнд Сүхбаатар аймгийн Засаг даргын тамгын газраас санаачилан нутгийн түүх соёл, нүүдэлчдийн зан үйл, угсаатны зүй, байгалийн гоо сайхан, утга уянгын сэдвээр уран бүтээлийн уралдаан зарласан бөгөөд 30 гаруй шүлэг ирсэнээс шүүгчдийн баг шалгаруулж эхний 10 яруу найрагчийн нэрсийг зарлажээ. Эдгээр яруу найрагчид наймдугаар сарын 8-нд Алтан-Овооны өвөрт болох яруу найргийн цэнгүүнд тэргүүн байрын төлөө шүлгээ уншиж өрсөлдөх аж.
Алтан-Овоонд тоосоо өргөх яруу найрагчдын нэрсийг зарлажээ. Үүнд:
М.Уянсүх, Г.Бямбажав, О.Цэнд-Аюуш, Ай.Төмөр-Очир, Ц.Бавуудорж, Б.Төгсжаргал, Л.Торой, Б.Батсайхан, Ж.Мөнхсайхан, У.Буд нар шалгарчээ.
Мөн дууны уран бүтээлийн уралдаанд 15 дуу ирсэнээс мэргэжлийн шүүгчдийн баг дараах уран бүтээлчдийг тодруулсан байна. А.Батдэлгэр, Ш.Хүрэлчулуун “Баян бадрах хайрхан”, Ш.Батсайхан, Ж.Эрдэнэцогт “Оргихын булаг”, Р.Билэгт, И.Батсүх “Өвгөдийн оршсон нутаг” дуунуудыг наймдугаар сарын 9-нд Алтан-Овооны энгэрт сонсож тэргүүн байрыг зарлах ажээ.
www.URLAG.mn
