“Glissando” хамтлаг гэж та сонсож байсан уу? Үгүй гэх хүмүүс олон байгаа байх. Тэгвэл ҮДБЭЧ-аас эхтэй энэхүү хамтлаг Ихбаяр, Алтанцэцэг, Шинэхүү, Отгонжаргал гэх дөрвөн хүний бүрэлдэхүүнтэй бөгөөд сүүлийн үед олны анхаарлыг их татах болсон аж.
Ардын дууны хөгжмийг орчин үеийн хэмнэлтэй хослуулан тоглодог “Шанз-3” хамтлаг сүүлийн үед олны танил болоод амжсан. Хэдийгээр “Шанз-3” хамтлагаас өмнө байгуулагдсан ч олонд танигдаж амжаагүй яваа “Glissando” хамтлагийнханыг хөгжимчин нөхрүүд нь дэмжсээр иржээ.
Шанз хөгжмийн гайхамшгийг орчин цагийн хэмнэлээр илэрхийлж, олонд хүргэх тал дээр санаа нэгдэж буй тэдний өрсөлдөгч бол “Шанз-3” хамтлаг хэмээжээ. Тэд хэлэхдээ “Уран бүтээлийн талбарт өрсөлдөгч байна гэдэг маш сайн хэрэг. Бидний уран бүтээлд маш их нөлөөтэй шүү дээ” хэмээн тодорхойлжээ.
. Хэдэн хэдэн бүтээлээ дүрсжүүлж амжсан “Glissando” хамтлаг улам ихийг хийж бүтээхээр зорин ажилсаар байгаа юм байна.
www.URLAG.mn
