Сүүлийн үед дуулиан болоод байгаа нэг хүн бол дуучин Ариунаагийн нөхөр, "Ноёд" группын Ерөнхийлөгч Г.Буяндорж. Түүнийг өнгөрсөн долоо хоногийн сүүлээр өөрийн барьж буй барилгынхаа манааны гэр дотроос баригдсан, түүнийг хууль хяналтынхан барихдаа эхнэр Т.Ариунаагийн машинаар нь олсон, баригдахдаа тулсан Г.Буяндорж эхнэртэйгээ зугтахыг оролдсон гэх мэдээллүүд шил дараалан гарсаар байна.
Түүнийг баривчилсан даруйдаа 461 дүгээр хорих анги руу явсан гэх албаны мэдээлэл бий. Гэвч түүний эхнэр МУГЖ Т.Ариунаа үүнийг үгүйсгэжээ. Тэрбээр энэ талаараа Өдрийн сонинд ярилцлага өгсөн бөгөөд "Манай нөхрийн талаар хэвлэл мэдээллийн хэрэгслээр сар гаруй төлбөртэй нийтлэл, мэдээлэл гарлаа.Хэвлэлийн даруйлал үүсээд өөрсдийн луйвар, зорилгодоо хүрэх гэсэн хүмүүсийн явуулга юм. Манай нөхрийг цагдаа нар бариагүй, бид хоёр хүүхдүүдтэйгээ цуг байгаа. Энэ бүх явуулгыг манай компанид ажиллаж байсан С.Билэгт гэдэг эмэгтэй хийсэн" гэсэн байна. Мөн "Түүний зорилго бол бидний өмч хөрөнгийн булаах явдал” гэжээ.
Хэрвээ Г.Буяндорж баригдаагүй л юм бол яагаад өдий болтол өөрийн байр сууриа илэрхийлж, хэвлэлээр өөрийгөө өмөөрч болохгүй гэж. Мөн хэвлэл мэдээллийн байгууллага эрэн сурвалжилж байгаа иргэнийг “баригдлаа” гэсэн мэдээллийг төлбөртэй цацна гэдэг зүйд нийцэх хэрэг биш хэмээн олон эргэлзээг төрүүлээд байгаа юм.
Ямартай ч дуучин Т.Ариунаагийн хувьд нөхрийнхөө өмнөөс өөрийн байр сууриа ийнхүү илэрхийлжээ:
www.URLAG.mn
