Өгсөн зүйлийг нь өвдөг сөгдсөн ч буцаа охин минь
Өр зөөлөн сэтгэлийг чинь сэмэлсэн болохоор тэр
Өршөөл эрэн чамаас гуйх үеийг одоо дуусгавар болго
Өмдөө тайлан тайчин байхдаа тэвчихгүйдээ хохь нь тэр…
Нэг тийм эр ч биш эм ч биш залуучууд байдаг даа
Нэрээ хугалан ясаа амраах тэд сул доройн бэлэгдэл
Нэг насны амьдралдаа эр хүн шиг байж чадаагүй
Нэрмээс болсон хүний дүрсүүд олон болжээ одоо цагт…
Бүсэлхийнээсээ доош захирагдах хэсэг бүлэг залуучууд
Балчир үрээ жишимгүй хаян одох нь халагламаар
Биеэ бус сэтгэлээ үнэлсэн тэднийг өршөөх хэрэггүй
Бүсгүй минь өөрийгөө л бод өгсөн зүйлийг нь буцаа…
Хайр даахгүй хэдэн харчуул байнаа байна энэ тэнд
Харамсаж түүнийг эргэж хартал нь амьдар хонгор минь
Хүн шиг хүн байж чадаагүйнх нь төлөө өөрөөсөө түлх
Хэн ч биш болох үедээ л тэр ойлгоно даанч оройтно…
Амьдралаа бод найз минь хүүхнүүд бид хүчтэй ш дээ
Амраглахаас хэтрэхгүй амьтдыг амьдралаасаа хас
Аав шиг аав, эр хүн шиг эр хүн болж чадаагүй л бол
Аминчлан чамаас гуйн өвдөг сөгдсөн ч зүрхийг нь буцаа…
Энэ өдрөөс эхэлж эрх чөлөөг мэдэр танхилхан минь
Эрээн палааж, өндөр өсгий углаад гэрээсээ гар яг одоо
Уйлаад яахав эр хүний нэр гутаасан зарим эрэмдгүүдээс болж
Учирлаж эвтэйхэн хэлээд ИНЭЭ өгсөн зүрхийг нь түүнд буцаа…
.Кана.Б
