ЮНЕСКО-гийн Соелын биет бус öвийн конвенцийн засгийн газар хоорондын ээлжит 9 дvгээр хуралдаанаар Монгол Улсаас нэр дэвшvvлсэн Шагайн харвааг олонхийн саналаар бvртгэн авлаа. Цаашид ЮНЕСКО-д бvртгvvлсэн дээрх овvvдийг хадгалж хамгаалах талаар тодорхой стратеги боловсруулж, хэрэгжvvлэхийг Засгийн газарт зовломж болгосон байна.
Зохиогч: Урлаг
Монголын загварын ертөнцийн хамгийн том шоу болох “Гоёл” наадмыг Монголын дизайнеруудын холбооноос 26 дахь жилдээ зохиож байна
Энэ наадам нь дэлхийн хувцас загварын чиг хандлага хэрхэн өөрчлөгдөж буйг харуулах зорилготой байдаг. Одоогоор наадамд оролцох загвар өмсөгчдийг гурван үе шаттай шалгаруулж байгаагаас 100 орчим загвар өмсөгч үлджээ. Тэдний дунд дахин шалгаруулалт явуулж хаалтын тоглолтод 40-50 модель оролцуулах төлөвлөгөөтэй байгаа аж. “Гоёл” наадамд оролцохоор “Америкаас дэлхийн супер модель Ирина Пантаева оролцох хүсэлтээ ирүүлсэн бөгөөд ирэх сарын нэгний өдөр Монголд ирнэ” хэмээн дизайнеруудын холбооноос мэдээлжээ.
МУСТА, жүжигчин Б.Амарсайхан “Netflix”-ын бүтээсэн “MARCO POLO” хэмээх олон ангит, түүхэн кинонд тоглох гол дүрийн жүжигчдийн нэгээр шалгаран, Аригбөхийн дүрийг бүтээж, Холливудын кинонд тоглосон анхны Монгол жүжигчин болсон талаархи баярт мэдээ бидний сонорыг мялаасан цаг саяхан. Тэгвэл чадварлаг жүжигчин маань ирэх арванхоёрдугаар сарын 2-нд Нью Йоркийн алдарт 1998 Broadway-д орших “AMC Loews” театрт болох “MARCO POLO” киноны албан ёсны нээлтийн үйл ажиллагаанд оролцох урилга хүлээн авч, улаан хивснээ дэлхийн ододтой мөр зэрэгцэн алхахаар Холливудыг зорилоо.
Дэлхийн загварын нийслэл Нью-Йорк хотноо бослон “Couture fashion week Fall 2014” загварын долоо хоногт манай дизайнер Д.Отгонжаргал “Otgoo Couture collection” цувралаараа оролцож, дэлхийд монгол загварын ур хийц, чамин тансаг өвөрмөц хэв маягийг гайхуулжээ. Урлах эрдэм дээд сургуулийг багш, дизайнер мэргэжлээр дүүргэн, зэгварын салбарт 10 гаруй жил ажиллахадаа хамтарсан 1200 гаруй, бие даасан 650 гаруй загваруудаа гаргаж, 2004-2009 онд нийт зургаан удаа өөрийн бие даасан загварын шоугаа хийсэн байна.
НЗДТГазраас толилуулж буй “Цөмөөхэй балет” бүжгэн жүжгийг МУГЖ Д.Алтанхуягийн найрууллагаар шинэчлэн ДБЭТеатрт 2014 оны 12-р сарын 24-нөөс 28-ны хооронд тавих гэж байна.
Цөмөөхэй балет нь шинэ жилийн уур амьсгалыг нэмэгдүүлж, гэр бүлээрээ хамт сонгодог орчинд баяраа тэмдэглэн өнгөрүүлэх боломжийг олгох, мөн хүүхэд залуусын сонгодог урлагын боловсролд өчүүхэн бага боловч хувь нэмэр оруулах олон сайн талтай хэмээн Монголын Балетын Хөгжил Сан зорин ажиллаж байна. Мөн тоглолтын нэгэн онцлог нь бүжгийн урлагаар хичээллэдэг болон сонирхдог хүсэл эрмэлзэлтэй 8-12 насны 200 гаруй хүүхэд багачуудыг хамруулан тоглуулах юм. Энэ нь хүүхдэд бага насны нандин дурсамж үлдээх төдийгүй сонгодог урлагын сайхныг мэдэрч өөрийгөө нээх боломж олгож байгаа юм.
“Рэд фильм” кино компани болон “САММ” интертайментийн хамтын бүтээл болох “Саарал хүн” уран сайхны киноны трейлер гарчээ. Samsung Electronics компанийн Galaxy Note 4 брэндтэй хамтран ажиллаж, киноны зураг авалтын зарим хэсэгт тус гар утасны камерийг ашиглаж бүтээсэн тус кино шинэ оны босгонд нээлтээ хийх ажээ.
Бид бүхэн “UB лавлах 1617”- ийн хамт олонтой хамтран өдөр бүрийн үйл явдал, үзвэр, үйлчилгээний хуваарийг хүргэж байгаа билээ. Та бүхэндээ өнөөдрийн хуваарийг танилцуулж байна.
Английн нийслэл Лондон хотноо болж буй “Дэлхийн мисс-2014″ тэмцээндАзийн топ модель Т.Батцэцэг эх орноо төлөөлж оролцож байгаа билээ. Тэмцээн эхэлснээс хойш өдгөө мисс Т.Батцэцэг тун ч амжилттай оролцож байгаа. Тэрбээр интернэт асуулгаар хамгийн их санал авсан оролцогч болсон бөгөөд одоо ч хэвээр байна. Энэ жилийн тэмцээнд дэлхийн 131 орны гоо бүсгүйчүүд өрсөлдөж байгаа юм. Тэдгээр бүсгүйчүүдийн танилцуулга,зургийг www.ranker.com сайтад байршуулждэмжигчид нь саналаа өгч байгаа аж. Өнөөдрийн байдлаарМонголын мисс Т.Батцэцэг 50860 эерэг саналтайгаар нэгдүгээр байранд явж байна. Түүний араас Унгарын мисс Edina Kulcsár 8086 лайк, ОХУ-ын мисс Anastasia Kostenko 2531 лайктайгаар тус тус жагсаж байна.
Поп акапелла урсгалаар уран бүтээлээ туурвидаг “S4” хамтлагийн залуус Өвөрмонгол болон Хятадад алдартай “Эргүна” хамтлагтай хамтарсан бэлтгэл хийжээ. Учир нь “S4” хамтлагийнхан өнөөдөр болох “Эргүна” хамтлагийн тоглолтонд урилгаар оролцож ая дуугаа өргөх юм. Өвөрмонголын үндэсний хамтлаг “Эргүна” 2001 онд байгуулагдсанаасаа хойш өнөөдрийг хүртэл тасралтгүй уран бүтээлээ туурвисаар яваа. “S4” хамтлагийнхан “Эргүна” хамтлагийн тоглолтонд урилгаар оролцож байгаа бөгөөд өөрсдийн уран бүтээлээсээ хүргэхээс гадна тус хамтлагтай хамтран дуулах нь ээ.
Дэлхийн хүүхэд багачуудын хайртай үлгэрийн баатруудыг амилуулагч Уолт Дисней өөрийн компаниа 1923 онд байгуулснаас хойш Диснейн ертөнц хэмжээгээрээ бүхэл бүтэн нэг хоттой тэнцэхүйц болжээ. Хүний хүслийг мэдэж, мэдэрч, хүслийг нь тааж чаддаг жирийн нэгэн зураачийн эхлүүлсэн үйлс өдгөө хүн төрөлхтөний ирээдүй болсон хүүхдүүдийг хамгийн ихээр баясгаж байна.