Дэлхийн сор болсон бүтээлүүдийн нэг Грекийн сонгодог жүжгийн оргил болсон Т.Софоклийн “Эдип хаан” жүжгийн гол дүрийг бүтээж, театрын тайзнаа гялалзсан энэ эрхэм бол УДЭТ-ын жүжигчин Ц.Цэрэнболд юм. Тэрбээр омголон төрх, баргил хоолойгоор үзэгчдийн танил болсон жүжигчин залуу соёлын тэргүүний ажилтан хэмээх цол тэмдэгээр энгэрээ мялажээ . Түүний бүтээж туурвисан урын санд 20 гаруй гол болон туслах дүр бий. Өмнө нь түүнийг СТА цол, тэмдгээр шагнах шийдвэр гаргасан ч онцгой өдрийг тохиолдуулж “Гамлет”-ын нээлтийн үдэш түүнд ийнхүү баяр нэмжээ.
Зохиогч: Урлаг
Монголын үндэсний урлаг тэр дундаа хөөмийн урлагийн гайхамшгийг эх орондоо төдийгүй дэлхий нийтэд таниулж мэдрүүлж яваа хөөмийч МУСТА Н.Наранбадрах, ҮДБЭЧ-ын хөөмийч Ц.Цогтгэрэл нарын хамтарсан “Монгол сонгодог” хөөмийн тоглолт энэ сарын 11-нд 15.00 цагт Соёлын төв өргөөнд болох нээ. Тус тоглолтонд ҮДБЭЧ-ын Үндэсний Их найрал, тус чуулгын бүжигчид, ДБЭТ-н Симфони оркестор, ДБЭТ-ын гоцлол дуучин Д.Эрдэнэтуяа, “Хар сарнай” хамтлагийн ахлагч С.Амармандах, уртын дууч Д.Үүрийнтуяа, “Мемори оркестр” амьд хөгжмийн хамтлагийнхан оролцох ажээ.
“Гамлет” Монголын драмын театрын тайзнаа 33 жилийн дараа дахин “Тоглогдох” гэж байна. Театр урлагийн оршин байх үнэ цэнэ, чанар чансааг илтгэдэг гэх, нөгөө талаас цаг үеийн шаардлагаар тавигддаг гэгддэг дэлхийн утга зохиолын сор болсон Уильям Шекспирийн энэ зохиол УДЭТ-ын энэ цагийн уран бүтээлчдийн шандсыг сорих ээлжит нэгэн сорил гэж болно. 150 сая төгрөгийн өртгөөр 200 гаруй хүний хүч хөдөлмөрөөр тайзнаа амилах “Гамлет”-ын нээлт өнөөдөр 19.00 цагт УДЭТ-т болох юм.
Буриад улсын Ардын жүжигчин Оросын “Премьер министр” хамтлагийн гоцлол дуучин Б.Амархүү энэ сарын 15,16-нд “Гэртээ хүрэх замд” анхны тоглолтоороо монгол түмэнтэйгээ уулзах гэж байна. Түүний аав Д.Борхүү циркийн жүжигчнээс урлагтай холбогдож Улаан-Үүд хотод буриадын циркийг байгуулж мөн тэндхийн Байгаль чуулгын уран сайхны удирдаачаар ажиллаж байсан. Буриад улсын төрийн шагналт тэрбээр дуучин хүүгийнхээ хамгийн дотны зөвлөгч нь юм. Түүнтэй хүүгийнх нь анхны тоглолтынх нь талаар ярилцлаа.
Сингапурт болсон амьд хөгжмийн “Asian beat 2012” наадамд эх орноо төлөөлөн оролцсон “UFO” хамтлагийн залуус гуравдугаар байрт орсон амжилтыг үзүүлсэн байна. Энэ нь Монголын амьд хөгжмийн түүхэнд урьд хожид гарч байгаагүй амжилт юм. Тус хамтлагийнхан энэ сарын 14-ний 12.00 цагт эх орондоо ирэх ажээ.
Европын хөгжмийн ертөнцийн томоохон наадмуудын нэг “MTV Europe Music Awards” ням гаригт Германы Хэссэн мужийн хамгийн том хот Франкфуртад болсон байна. Энэ удаагийн шагнал гардуулах ёслолд Америкийн нэрт залуу дуучин Тейлор Свифт, Кети Пери, Рианна нарын уран бүтээлчид найман төрөлд нэр дэвшихээр болсныг зохион байгуулагчид өнгөрсөн есдүгээр сарын 17-нд эцсийн байдлаар зарласан юм.
Дэлхийн супер од “Рианна” Америкийн эрчүүдийн үнэнч анд болох “GQ” сэтгүүлд зочлон, ирэх сарын дугаарынх нь нүүрийг хагас нүцгэн зургаараа чимжээ. Өдгөө 24 настай дуучин Рианна сэтгүүлийн хавтсанд нүцгэн цээжин дээрээ хар өнгийн савхин хүрэм нөмөрч, хөхөө далдалж нууцлаг газраа гараараа нуусан зургаа гаргах гэж байгаа аж.
1962 оны 12 дугаар сарын 26-нд бүрэн хэмжээний хөтөлбөр боловсруулан бие даасан тоглолтоо бүтээсэн хугацаанаас тус чуулгын үндэсний хөгжмийн их найрлын шинэ цагийн түүхийн хуудсаа тоолсоор 50 дахь жилтэйгээ золголоо. Чуулгын үндэсний найрал хөгжим түүхийн урт хугацаандаа хөгжмийн бүтэц төрөл зүйлд онцгой анхаарч, цаг үеээ соргогоор мэдэрч, урын сангаа баяжуулж ирсэн нь монголын хөгжмийн урлагийн нэрт зүтгэлтнүүд, үе үеийн уран бүтээлчдийн хөдөлмөрийн үр шим билээ.
Өвөрмөц хэрнээ чадалтай хоолойгоороо алдар нэр нь дэлхийд түгсэн дуучин бол Адель. Түүнээс өөр нэг дор Грэммийн шагналыг зургаагаар нь түүж байсан дуучин үгүй. Алдарт дуучин Адель, түүний нөхөр Саймон Конеки нар бяцхан хүүгээ өлгийдөж авснаас хойш сар ч болоогүй байна. Адель амаржихаасаа өмнө олны нүднээс хэсэгтээ л далд байсан юм. Гэвч түүнийг алдарт сэтгүүлч Андерсон Күүпер “60 минут” ярилцлагын нэвтрүүлэгтээ оруулж амжсан билээ. Адельтэй ярилцлага хийж байсан сэтгүүлчид түүний бие, галбирын талаар огтхон ч асууж байгаагүй. Тэгвэл “60 минут”-ын үеэр сэтгүүлч түүнээс өөрийнхөө галбирт яагаад санаа зовдоггүй юм бэ гэж асуужээ. Учир нь өнгөрсөн хоёрдугаар сард Карл Лэжерфийлд “Метро” сонинд өгсөн ярилцлагадаа “Тэр 24 настай гэхэд арай л тарган” гэж хэлсэн нь тухайн үедээ хэвлэлүүдийн өлгөж авсан шуугиан байсан юм. Күүперийн асуултад дуучин бүсгүй юу гэж хариулсныг нэвтрүүлгээс нь хөрвүүлэн хүргэж байна.
Монголын орчин үеийн циркийг үүсгэн байгуулагч Ж.Раднаабазар агсны мэндэлсний 100 жилийн ойг тохиолдуулан “Шинэ цирк” төвөөс олон арга хэмжээ зохион байгуулахаар төлөвлөжээ. Ойн хүрээнд өсвөрийн циркчдийн анхдугаар фестивалийг энэ сарын 15-17-нд зохион байгуулах аж. Фестивальд 8-18 насны өсвөрийн циркчид авьяас чадвараараа уралдах бөгөөд үүнд Дархан-Уул, Эрдэнэтийн “Шонхоодой” цирк, Өмнөговь аймгийн “Галбын говь”-ийн залуу циркчид оролцох тухайгаа мэдэгдээд байгаа гэнэ. Мөн Ж.Раднаабазар агсны мэндэлсний 100 жилийн ой тохиолдуулан өнгөрсөн тавдугаар сард түүний хүү, хөгжмийн зохиолч Р.Энхбазар “Би тэнгэр эцэгтээ өргөх дуу” тоглолтыг хийсэн бол охин Р.Нарантуяа нь “Шарласан хуудаснаа амилах аавын минь дүр төрх” дурсамж хэвлүүлжээ. Тус номын нээлт энэ сарын 16-нд Хаан банкны номын санд болох юм байна.