Монгол Улсаас БНХАУ-д суугаа Онц бөгөөд Бүрэн эрхт Элчин сайд Д.Ганхуяг, түүний гэргий М.Цэндсүрэн нарын талархалын хүлээн авалтын арга хэмжээ энэ сарын 12-ны өдөр ЭСЯ-нд зохион байгуулагдлаа. Арга хэмжээнд БНХАУ-ын ГХЯ, ХКН, Хөгжил шинэчлэлийн хороо, Худалдааны яам, Хууль зүйн яам, Улсын цагаачлалын удирдах газар, ЭКСИМ банк зэрэг төр, засгийн байгууллагын 70 гаруй төлөөлөгчид хүрэлцэн ирж оролцов.
Зохиогч: Урлаг
Дэлхийн алдарт Форбс сэтгүүлээс жил болгон эрхлэн гаргадаг хамгийн өндөр орлоготой эрэгтэй жүжигчдийн энэ жилийн жагсаалт гарчээ. Тус жагсаалтыг энэ удаад Дуэйн Жонсон тэргүүлж хоёр жил дараалан дэлхийн хамгийн өндөр орлоготой эрэгтэй жүжигчин боллоо. Тэрбээр өнгөрөгч 2019 оны зургадугаар сарын 1-нээс 2020 оны зургадугаар сарын 1-н хүртэлх хугацаанд нийтдээ 87.5 сая ам.долларын ашиг орлого олсон байна. Түүний араас Холливудын А зэрэглэлийн жүжигчин болох Райан Рейнольдс 71.5 сая ам.долларын ашиг олсноороо удалжээ.
“Чингис хаан” музейн бүтээн байгуулалтын ажлын явц 30 орчим хувьтай үргэлжилж байна. Музейн таван давхрын цутгалтыг өчигдөр /2020.08.06/ эхэлж, өнөө өглөө дууссан гэдгийг албаныхан мэдээллээ.
Швейцарийн Локарно хотноо 2020 оны наймдугаар сарын 5-нд 73 дахь удаагийн “Локарно” олон улсын кино наадам эхэлж, амжилттай үргэлжилж байна. Тус наадмын нээлтэд Монгол Улсаас Швейцарь Улсад суугаа Элчин сайд Л.Пүрэвсүрэн урилгаар оролцож, “Локарно” кино наадмын ерөнхийлөгч Марко Солари болон “Нээлттэй хаалга” хөтөлбөрийн захирал Софи Бурдон нартай уулзжээ. Тэд “Улаанбаатар” олон улсын кино наадмын үеэр Монголын уран бүтээлчдэд зориулсан кино зохиол бичих сургалт явуулахад дэмжлэг үзүүлэх, мөн “Нээлттэй хаалга” хөтөлбөрийн хүрээнд Монголын залуу кино уран бүтээлчдэд дэлхийн киноны зах зээлд гарахад зөвлөх үйлчилгээ үзүүлэх, төсөлд хамруулах асуудлыг ярилцаж тохирсон байна.
“The Hu” хамтлагийн продюсер, Монгол Улсын гавьяат жүжигчин, дуучин Б.Дашдондог дэлхийн шилдэг рок продюсеруудыг тэргүүлжээ. Тэрбээр дэлхийн алдартай хөгжмийн “Billboard” жагсаалтад хоёрдугаарт бичигдэж, дэлхийн шилдэг хамтлаг, дуучдын продюсеруудыг ардаа орхиод байна.
Соёлын сайд С.Чулуун Хан-Уул дүүргийн 10 дугаар хорооны нутаг дэвсгэр Буянт-Ухаа хорооллын урд, Үндэсний Архивын Ерөнхий газрын баруун талд баригдсан тус яамны харъяа Соёлын өвийн үндэсний төвийн барилга ашиглалтад ороход тулгарч буй асуудалтай танилцаж, мэдээлэл авлаа. Монгол үндэстний соёлын биет болон биет бус өвийг хамгаалан, бүртгэн баримтжуулах, сэргээн засварлах, хойч үедээ өвлөн уламжлуулах чиглэлээр үйл ажиллагаа явуулах төвийн барилгын ажил 2014 онд эхэлсэн бөгөөд 95 хувийн гүйцэтгэлтэй байна.
“Orice” нэрээр олонд танигдсан реппер М.Алтан-Оргил таван давхраас унасан тухай мэдээлэл цахим орчинд цацагдсан. Тэрээр Гэмтэл согог судлалын үндэсний төвийн Сэхээн амьдруулах тасагт хэвтэн эмчлүүлж байсан ч энэ сарын 27-ны өдөр нас баржээ. Зарим хэвлэл мэдээллийн хэрэгслээр түүнийг хэсэг залуус бүлэглэн зодож улмаар таван давхраас шидсэн гэж мэдээлж байгаа юм.