Монголын “The Hu” хамтлаг 2020 оны Европ тивийн аялан тоглолтоо нэгдүгээр сарын 15-наас эхлүүлээд буй. Тэдний эхний тоглолт ХБНГУ-ын Хамбург хотоос эхэлсэн. Хамтлагийн энэ удаагийн аялан тоглолтын тасалбар тун эрэлттэй байгаа бөгөөд худалдаанд гарсан даруйдаа дуусчээ.
Зохиогч: Урлаг
ЦАЦРАХ ЭГШИГ НҮТББ нь урлаг болон мэдлэгээр дамжуулан ирээдүйн эерэг иргэнийг төлөвшүүлэх зорилготой хүүхдэд чиглэсэн төсөл хөтөлбөр хэрэгжүүлдэг.
"Хишиг продакшн"-ы шинэ уран бүтээл "Анд" цуврал контент үзэгчдийн хүртээл болоход бэлэн болжээ. Энэхүү цуврал контент нь адал явдлыг эрэлхийлэгчийн талаар илүүтэй тусгасан байна. Хамгийн чухал нь тус бүтээлд анд нөхдийн үерхэлийн бат холбоог шигтгэн өгүүлжээ. Киноны үйл явдлаас цухас дурдвал, Цолмон бааранд тасарснаар үйл явдал өрнөж эхлэх болно. Цаашдаа хэний ч таамаглаагүй хэрэг онц сонирхолтой үйл явдлуудаар дүүрэн байх "Анд" хэмээх киног Univision Mongolia SKYmedia LookTV SkyGO.mn -с хүлээн авч үзэх боломжтой юм. Энэхүү контент эхний ангиа ийнхүү хүргэсэн бөгөөд үргэлжлэл ангиудаа 3-р сар болон 4-р сард хүргэхээр төлөвлөжээ.
Дэлхийн сонгодог роман болох Оросын нэрт зохиолч Л.Н.Толстойн “Анна Каренина”-г Монголд анх удаа театрын жүжиг болгон тавих гэж байгаа талаар бид өмнө нь мэдээлсэн. Үзэгчдийн дунд хүлээлт үүсгээд байгаа тус жүжиг Улсын драмын эрдмийн театрын тайзнаа тавигдахад 40 хоног үлдээд байна. Зуу гаруй жил дамнан уншигдсан “Анна Каренина” романыг Н.Пүрэвдагва жүжгийн зохиол болгон бичсэн бөгөөд жүжгийн ерөнхий найруулагчаар Н.Наранбаатар, ерөнхий зураачаар Т.Ганхуяг нар ажиллах юм.
Өмнөд Солонгосын уран бүтээлчдийн бүтээсэн “Parasite” кино өчигдөр /2020.01.19/ SAG (Screen Actors Guild) Awards шалгаруулалтын гол шагнал болох “Шилдэг жүжигчдийн баг” гэсэн шагналыг хүртжээ. Ингэснээр тус уран бүтээл нь кино урлагийн салбарын хамгийн том шагнал болох Оскарын шагналд нэг алхам ойртож байна.
Далны ясан сийлбэрүүдээрээ хэдийнэ олонд танигдсан уран бүтээлч Т.Баттогтохын “Далны симфони” үзэсгэлэн ХААН галерейд энэ сарын 15-наас олны хүртээл болж эхэллээ. Т.Баттогтох сүүлийн 20 гаруй жилийн турш далны ясаар уран бүтээл туурвиж, сийлбэрийн урлагийг хөгжүүлэхэд үнэтэй хувь нэмрээ оруулж яваа тууштай, хөдөлмөрч уран бүтээлч билээ.
“Sweetymotion” хамтлагийн продюсер, “Никитон” хамтлагийн даралтат хөгжимчин Б.Чинбат, түүний гэргий “Sweetymotion” хамтлагийн дуучин Ц.Сарнай нар БНСУ-ын Сөүл хотноо элэг шилжүүлэн суулгах хагалгаанд орж, үргэлжлүүлэн эмчилгээ хийлгэж байгаа тухай бид өмнө нь мэдээлж байсан билээ. Тэдний хагалгаа амжилттай болсон хэдий ч зардал өндөртэй урт хугацааны эмчилгээ хийлгэх шаардлагатай байгаа учир манай урлагийнхан хандивын аяныг эхлүүлээд явж байгаа. Мөн монголын соёл, урлагийн салбарын олон уран бүтээлчид нэгдэн, рок попын “Niciton & Friends”, мэргэжлийн урлагийн байгууллагуудын “Аравт”тоглолт хийхээр болсон бөгөөд тус тоглолтуудын уран бүтээлчид тодорчээ.
Хөгжмийн зохиолч, ая зохиогчдын 2019 онд бүтээн туурвисан дууны уран бүтээлийн шилдгийг тодруулах наадмын бүртгэл эхэллээ. Энэхүү наадам нь 33 дахь жилдээ зохиогдож байгаа юм.