“Дижитал” хамтлагийн дуучин Ш.Батбаяр буюу Бааварын эмчилгээний зардалд зориулж Монголын хип хоп хамтлагууд бүгд нэгдэж хандивын тоглолт хийхээр болжээ. Одоогоор тоглолтын тов тодорхой болоогүй ч бэлтгэл ажилдаа орсон гэнэ.
Учир нь, Бааварын түлэгдсэн арьс хумигдаж эдгэсэн. Тэр дундаа гарынх нь арьс бүр хэцүү байдалтай эдгэсэн бөгөөд хагалгаа хийлгэх шаардлагатай байгаа гэнэ. Тиймээс эмчлүүлэхэд багагүй мөнгө шаардлагатай байгаа аж.
“Бааварт туслахыг хүссэн хүмүүс гараа сунгана гэдэгт итгэлтэй байгаа шүү” гэж хамтлагууд хэлж байна. Тоглолтод “Дайн ба энх”, “Хоёр хүү”, “ICE TOP”, “Татар”, “Эрх чөлөө” зэрэг хамтлагууд нэгдэн оролцох ажээ.
www.URLAG.mn
