“Хайрласанд минь уучлаарай”, “Зүүдний бороо”, “Хоёр амьдрахсан хорвоо” зэрэг дуунуудаараа олны хүндэтгэлийг хүлээсэн хайрын дууч Э.Энх-Эрдэнэ хөдөөнөөс гаралтай нэгэн.
Тэрээр анх хотод орж ирээд Баянхошуунд айлын хашаа байшин харж, хөлсөнд нь үнэгүй суудаг байсан талаараа саяхан өгсөн ярилцлагадаа дурьдсан байдаг. Бага наснаасаа эхлэн хөдөөгийн хар бор ажилд дадсан дуучинд маань гэр хороололд амьдарна гэдэг тийм ч эмзэглэмээр, ичмээр асуудал биш юм хэмээн сэтгүүлчтэй ярилцсан байдаг. Хөдөөнөөс Улаанбаатарт суурьшиж байгаа хүн бүр л нэгэн адил замналаар явсаар өнөөгийн энэ их амжилтандаа хүрч, Монголын зохиолын дуучдын төлөөлөл болж чадсан. Эгэл жирийн амьдралд өссөн энэ дуучны одоогийн сайн сайхан амьдрал ээж аавынх нь хүмүүжилтэй холбоотой гэж үздэг. Иймд тэрээр шинээр аав ээж болж байгаа залуучууддаа хандан хүүхдийнхээ хүмүүжилд ихээр анхаарч, зөв төлөвшүүлж, улс эх орондоо хэрэгтэй хүн болгон хүмүүжүүлээрэй гэж уриалжээ.
С.Нандинцацрал
www.URLAG.mn
