Загвар өмсөгч Т.Ундармаа нэг хэсэг сураг алдарсан. Тэгвэл тэрбээр саяхан “Монголчууд” сэтгүүлд өөрийнхөө талаар дэлгэрэнгүй ярилцлага өгчээ.
Түүний сураг алдарсан шалтгаан нь гадаадын моделийн агентлагуудтай гэрээ хийж, хамтарч ажиллаж байгаа аж.
Тэрбээр гадаадад амьдардаг бөгөөд Монголд жилдээ хоёр удаа ирдэг байна. Зун, өвөл эх орондоо ирэхэд надад их сайхан байдаг. Тэр дундаа халуун оронд амьдардаг учраас цасаа их санаж, нутагтаа ирэх үнэхээр гоё хэмээн ярьжээ.
Тэрбээр миний амьдралдаа сонссон хамгийн гашуун, айшигтай мэдээ бол хайрт эгч минь хорвоог орхисон тухай байсан. Тиймээс тэнгэрт байгаа ариухан гэгээхэн эгчийгээ баярлуулах бас ээжийгээ тайвшируулах ямар нэгэн зүйл хиймээр санагдаад хүүхдийн төлөө сан байгуулан ажиллаж байгаа аж.
Загвар өмсөгч Т.Ундармаа 17 настай байхдаа хүүхдийн төлөө сангаа байгуулж байсан байна. Одоогийн байдлаар хөдөө, орон нутгийн дөрвөн сургуульд компютерийн иж бүрэн кабинет, 25 суудалтай сургуулийн автобус сангаараа дамжуулан өгсөн байна.
Т.Ундармаа хамгийн сүүлд Монгол “Хатан төрийн нууц” номыг уншжээ. Түүнчлэн хамгийн дуртай олон дахин уншсан ном нь зохиолч Б.Сарантуяагийн “Сорхугтани” роман хэмээн ярьсан байдаг.
Б.Яруу
Эх сурвалж: www.mminfo.mn
