Соёлын салбарт анх удаа хэрэгжүүлэх “Чингис хаан” үндэсний музейн “Дижитал контент хөгжүүлэлт, үйл ажиллагааны чадавхийг бэхжүүлэх” төсөл нь 2025-2028 онуудад хэрэгжинэ.
Төслийн судалгааг анх 2023 онд хийж байсан бол энэ удаад БНСУ-аас төслийн нарийвчилсан судалгааны баг ирж долоо хоногийн хугацаанд музей дээр ажиллаж, төслийн нарийвчилсан төлөвлөгөө гаргаснаа өчигдөр (2025.01.15) танилцууллаа.
Төсөл хэрэгжсэнээр музейн тогтвортой үйл ажиллагааг бэхжүүлж, дижитал технологиор дамжуулан үзэсгэлэн үзүүллэгийг чанар, музейн ажилтнуудыг ур чадварыг сайжруулж музейн үйл ажиллагааг тогтвортой үргэлжлүүлэхэд шаардлагатай орчин үеийн техник тоног төхөөрөмжөөр хангагдана. Мөн төсөл хэрэгжих хугацаанд музейн ажилтнууд БНСУ-ын музейдэд очиж туршлага судлах, урт богино хугацааны сургалтад хамрагдахаас гадна Солонгосын музей, соёлын өвийн багш мэргэжилтнүүд музейд ирж музейн үйл ажиллагааны бүх чиглэлээр сургалт хийж чадавхжуулах юм байна.
