Зохиолын дууны "ханхүү" хэмээгддэг дуучин С.Жавхлан “Монголд мэндэлсэн өдөр мину” нэртэй өөрийн бие даасан тоглолтоо хийхээр болжээ. Тэрээр энэхүү тоглолтоо өөрийн төрсөн өдрөө тохиолдуулан зохион байгуулж буйгаараа онцлог юм. Түүний Монголд мэндэлсэн өдөр хоёрдугаар сарын хорин нэгэн.
Дуучин маань нэгэн ярилцлагынхаа үеэр “Төрсөн өдрөөрөө юу авмаар байна хэмээн хүмүүс асуух юм. Үзэгч фэнүүд минь тоглолтонд ирэхдээ монгол үндэсний сайхан дээлээ өмсөөд ирэхэд л надад том бэлэг болно шүү дээ” гэжээ. Та бүхэн түүний төрсөн өдрийн тоглолтонд ирэхдээ үндэснийхээ хувцасаар гоёж хайртай дуучиндаа төрсөн өдрийн бэлэг бариарай.
Тоглолт хоёрдугаар сарын 21-ны баасан гарагт Бөхийн өргөөнд 19.00 цагт болно.
www.URLAG.mn
