Улсын дуурь, бүжгийн эрдмийн театрын тайзнаа энэ амралтын өдрүүдэд буюу тавдугаар сарын 31, зургаадугаар сарын 1-нд 17.00 цагаас “Дэггүй Лиз” балетыг тоглохоор болжээ.
Ф.Херольдын “La fille mal gardée” буюу “Дэггүй Лиз” балет нь хамгийн анх 1789 онд Франц улсад тоглогдож байжээ. Орчин үеийн балетын урын сан дахь хамгийн эртний бүтээлүүдийн нэг бөгөөд өдийг хүртэл тайзнаа дэлхийн өнцөг булан бүрд тоглогдсоор буй юм. Уг балетыг 1765 оны “La réprimande” зургаас сэдэвлэн бүтээсэн түүхтэй.
“Дэггүй Лиз” балет /Хоёр бүлэг, гурван үзэгдэлт хошин балет/
Үйл явдал
Зохиолын үйл явдлаас дурдвал тариачин хатагтай Марцелина ганц охинтойгоо амьдардаг. Үзэсгэлэнт сайхан охиныг Лиз гэнэ. Марцелина хатагтай өөрийн ганц охиноо хөрөнгө чинээтэй айлын ганц хүүтэй суулгахаар тохирсон байдаг. Лиз охин, өөртэй нь суулгахаар болсон Никез-д дургүй байх бөгөөд чинхүү хайртай залуу болох Колентайгаа гэр бүл болохыг мөрөөднө. Марцелина хатагтай ганц охиноо бусдаас харамлан сүй тавих өдөр хүртэл гэрээсээ гарч орохыг нь цагдаж байгаагаар бүжгэн жүжиг цааш өрнөнө…
Гол дүрүүд
- Марцелина /тариачин эмэгтэй/
- Лиза /Марцелинагийн охин/
- Колен /тариачин залуу/
- Мишо /барьцаалан зээлдэх газрын эзэн/
- Никез /Мишогийн хүү/
