Камертон хамтлагийнхан төрсөн өдрөө фенүүдтэйгээ хамт тэмдэглэнэ

…Аяа, миний 18 нас

Ахиад ирэхгүй ч мөнхийн гэрэлтэй нас… хэмээн уянгалуулан дуулах дөрвөн хүүг тэртээх хуучин цагийн клипнээс харж болмоор. Хүүхдэрхүү төрхтэй авьяаслаг хөвгүүд дөнгөж өчигдөрхөн л тайзан дээр гарч байсан мэт санагдана. Гэвч энэ мөчөөс хойш хэдийнэ 19 жил өнгөрчээ. 1995 оны зургадугаар сарын 24-нд байгуулагдсан “Камертон” хамтлаг өдгөө Монголын рок попын ертөнцөд өөрийн гэсэн байр суурьтай, фэнүүдийн хүрээллийг бий болгож чадсан билээ. Багагүй хугацаанд хамтын уран бүтээлээ завсарласан “Камертон”-чууд хэдэн жилийн өмнө хайрын дуугаараа эргэн нэгдэж, Төв цэнгэлдэх хүрээлэнд томоохон хэмжээний тоглолт хийсэн төдийгүй “Камертон-2” төслийнхөө хүрээнд өөрсдийн залгамж халааг бэлтгээд амжсан.

Харин тун удахгүй Камертон хамтлагийнхан дахин нэгдэж үнэнч сонсогчиддоо өөрсдийн уран бүтээлийг хүргэхээр болсон байна. Тэдний нэгдсний дараах хамгийн анхны бүтээл нь "Ээжийнхээ дэргэд" хэмээх уянгын дуу байх гэнэ. Мөн тэд өөрсдийн төрсөн өдөр буюу хамтлаг анх байгуулагдаж байсан зургаадугаар сарын 24-ны өдрийг сонсогчидтойгоо хамт тэмдэглэхээр болсон байна.  Хэдэн жилийн өмнөөс хувийн уран бүтээл, бизнесинй мөрийг хөөсөн авъяаслаг залуус маань үзэгч фенүүдтэйгээ сайхан уран бүтээлтэй золгох нь ээ.

www.URLAG.mn