13-р зууны үеийн Чингис хааны аравтын цэргийн зохион байгуулалтыг өгүүлэх “Аравт” кино Тэнгис кино театрт нээлтээ хийхэд бэлэн болоод байгаа ажээ. Монгол, Өвөрмонголын уран бүтээлчдийн хамтран хийж байгаа энэ киноны зураг авалт хоёр жил орчим үргэлжилсэн юм. Киноны гол дүрд МУГЖ Жаргалсайхан, жүжигчин Онон, Амраа, Алтаншагай, Цэрэнболд нар тоглож байгаа ажээ.
Бас Өвөрмонголын “Чингис” хаан киноны Баасан, Жамбал, Аюур нар тоглосон энэ киноны нээлт үзэгчдийн хувьд хэдийнэ хүлээлт үүсгээд байгаа билээ.
Хэд хэдэн удаа нээлтийн товын тухай яригдаж байсан ч хойшилсоор өнөөдрийг хүрсэн “Аравт” юутай ч энэ удаад олны хүртээл болоход бэлэн болсон байна. Киноны хөгжим, триллерээсээ л үзэгчдийн сонирхол татаад байгаа энэ киноны хөгжмийг Б.Чинбат бичсэн юм.
