Тайландын загварын ертөнцөд хөл тавин, тэндээ багагүй амжилттай ажиллаж яваа загвар өмсөгч Б.Билгүйтэй Тайландад удахгүй худалдаанд гарах “Samsung galaxy S5” гар утасны сурталчилгаанд зургаа авахуулжээ.
Тайландын хамгийн том оператор “True” корпорацын сурталчилгаанд тоглохын тулд 60 гаруй эрэгтэй загвар өмсөгч өрсөлдсөнөөс Б.Билгүйтэй ганцаараа шалгарсан аж. Хятад болон Тайландын шилдэг загвар өмсөгч бүсгүйчүүд түүнтэй хамт сурталчилгаанд оролцох гэнэ.
Дашрамд сонирхуулахад, Б.Билгүйтэй Тайландын Бангкок хотод вэб дизайны чиглэлээр сурч байхдаа тэндхийн загварын мэргэжилтнүүдийн хараанд өртөж, алдартай агентлагуудад гэрээгээр загвар өмсөх болсон байна.
Монголчуудын танил болж амжаагүй ч энэ залуу Олон улсын шилдэг эрэгтэй загвар өмсөгч шалгаруулах “Manhunt international 2012” тэмцээнд эх орноо төлөөлөн оролцож, шилдгээр шалгарч байсан удаатай.
