Поп дива С.Наран “МУГЖ” цол тэмдгээс татгалзжээ

 Манайд сүүлийн үед шагнал гэдэг зүйл үнэ цэнэгүйдэж, утгаа алдаад удаж байна. 20 ,30 жил урлагт хүчин зүтгэсэн ахмад уран бүтээлчдийн хөлс хүчээ дуслуулан байж авсан шагналыг нь өнөөдөр 2,3-хан  жил хэдэн дуу дуулсан залуучууд авах болсон.

Үүнтэй холбоотойгоор үнэ цэнээ алдсан шагналыг авахыг ч хүсэхгүй байгаа уран бүтээлчид олширч байгаа бололтой. Хамгийн сүүлд нүдээ олсон шагнал хэмээн олны сэтгэлийг хөдөлгөж чадсан МУГЖ Х.Лхагвасүрэнд шагнал гардуулах үеийн өмнөхөн дуучин С.Наранд "МУГЖ" цол  тэмдэг олгох тухай дуулгахад тэрбээр ”Би энэ шагналыг авахгүй” хэмээн товч бөгөөд тодорхой хариулсан тухай баттай эх сурвалжаас мэдээллээ.

 Монголын эмэгтэй дуучдаас өвөрмөц эршүүд хоолойгоороо эрс  ялгардаг дуучин С.Наран энэхүү нэр хүндтэй шагналаас татгалзах болсон шалтгаан таамаг хэвээр үлдлээ.

www.URLAG.mn