Өнөөгийн залуусын ихэнх нь өөрт нь насан туршдаа үнэнч амьдрах хэн нэгэн бий гэдэгт эргэлзэх болсон нь нууц биш. Тэгвэл “Маск” продакшны жүжигчин Ш.Жавхлан саяхан найзууддаа нэгэн насных нь туршид ганцхан өөрт нь үнэнч байх эр хүнээ олсон хэмээн ам алджээ.
Түүнийг өмнө нь жүжигчин Н.Ялалттай гэр бүл болж, үрийн зулай үнэрлэсэн ч тэдний амьдрал удаан үргэлжлээгүйг фэнүүд нь сайн мэдэж байгаа. Анхны амьдралаа ийнхүү бүтэлгүйтсэнээс хойш шинэ хайр дурлалтай учрах нь бүү хэл, хэн нэгэнтэй ч нэр холбогдоогүй явсан жүжигчин бүсгүйн талаарх энэхүү мэдээг дуулсан зарим нэг нь баярлаж, нөгөө хэсэг нь эргэлзээд амжжээ.
Мэдээж хүн бүр л түүний хайрыг ийнхүү эргэлт буцалтгүй булаасан залуу нь хэн юм бол хэмээн сонирхож байгаа биз ээ. Тэгвэл Ш.Жавхлан “Би араар минь хэзээ ч тавихгүй эр хүнээ олсон. Тэр бол мэдээж миний мэргэжил. Тиймээс ч би үүрдийн хайраа урлагт л өгсөн” хэмээсэн байна.
Түүнийг цоо шинэхэн хайртай учрав уу хэмээн таамаглал дэвшүүлж, аль хэдийнэ хэн нэгэнтэй холбоод амжсан зарим зүггүй найзууд нь энэхүү хариултыг нь сонсоод хэлэх үггүй болж, “хэлээ хазаад” өнгөрсөн гэнэ шүү
Эх сурвалж: mnews.mn
