Олны танил хүмүүс аль олох оньсого мэт байхыг хичээдэг. Харин манайхны хувьд ёстой л “далан булчирхайгаа дэлгэнэ” гэгч болдог бөгөөд үүнийгээ “энгийн даруухан байна” хэмээн эвтэйхэн тайлбарлачихдаг.
Тэгвэл Улсын драмын эрдмийн театрын жүжигчин Эби буюу Г.Эрдэнэбилэг нууцлаг байдлаараа урлагийнхан төдийгүй олны танил хүмүүс дундаа Монголдоо л бараг рекорд тогтоож байгаа нэгэн. Ямар сайндаа л фэнүүд нь өнөөдрийг хүртэл түүнийг “эхнэртэй, эхнэргүй” хэмээн маргалдсаар байх вэ дээ.
Оньсого мэт Эби энэ бүхэнд өдийг хүртэл бодитой хариу өгөөгүй л байгаа билээ. Тэгвэл саяхны нэгэн өдөр тэрбээр энэ тухай сониучирхсан сэтгүүлчийн асуултанд хариулахдаа “Миний эхнэртэй юу, үгүй юу гэдэг хэнд ч хамаагүй л дээ. Гэхдээ үнэхээр сонирхоод байгаа бол би эхнэрээ дор хаяж 10 жил олны хэл ам, атаа жөтөө, хялалзах нүднээс нууна гэж боддог ш дээ” хэмээн хошигносон байна.
Та бүхэн алдарт жүжигчин Жаки Чан эхнэр, хүүхдээ бүхэл бүтэн 15 жил олны нүднээс нуусан талаар домог мэт яриаг өмнө л сонсож л байсан байх. Тэгвэл Эби ч бас түүний рекордыг Монголдоо тогтоохоор шийдсэн бололтой. Чадаж байгаа юманд арга байхгүй гэдэг байх аа.
Гэхдээ "Үргээлэг" киноны нээлтэнд дагуулж ирсэн бүснүйг нь танай найз охин уу гэхэд "миний эхнэр" гэж бардам хэлсэн шүү. Олны нүднээс харамлахгүй байхын аргагүй сайхан бүсгүй байна лээ.
Эх сурвалж: mnews.mn
