“Хувьсал” продакшн өөрсдийн хоёр дахь дэлгэцийн уран бүтээлийнхээ ажилд оржээ. Тэдний эхний бүтээл болох “Зэрлэг цэцэгсийн хүлэмж” дэлгэцээр гарсан даруйдаа нилээд шуугиан тарьсан. Өнгөрсөн баасан гарагт болсон “Mongolia academy awards 2014” наадмын үеэр тэд өөрсдийнхөө уран бүтээлээр “Шилдэг эмэгтэй гол дүр”, “Шилдэг эмэгтэй туслах дүр”-ийн шилдгээр тодорсон.
“Хувьсал” продакшны дараагийн уран бүтээлийн зохиолыг Соёлын тэргүүний ажилтан, жүжигчин А.Ганчимэг бичжээ. Тэрээр “Зүрхээр наадагч” нэртэй кино зохиолоо нэг жилийн хугацаанд бичсэн бөгөөд “Хувьсал” продакшны уран бүтээлчид энэ сарын 26-аас эхлэн кино зураг авалтаа эхлүүлэх гэнэ.
Харин тус дэлгэцийн уран бүтээлийн эрэгтэй гол дүрийн хувьд сонгон шалгаруулалт явуулж 80 гаруй залуусаас 2009 оны Азийн топ модель О.Мөнхдалайг сонгожээ.
www.URLAG.mn
