Монголын поп урлагийн уянгалаг хоолойтнуудын нэг дуучин Б.Баярцэцэг олон сайхан дуугаараа сонсогчдын сонорыг мялаасаар ирсэн билээ. Тэрбээр хэд хэдэн киноны дууг амилуулж, өөрийн бие даасан цомгуудаа гарган, Хятадад гэрээгээр дуулж, бие даасан тоглолтоо хийснээр чамгүй нэр алдартай болсон.
Байж байгаад л часхийсэн дуу гаргачихдаг дуучин бүсгүй маань хамгийн сүүлд “Харанга” хамтлагийн гитарчин Чукатай хамтран “Содон аялгуу” хэмээх дууг дуулснаасаа хойш нам гүмхэн болоод байсан.
Тэгвэл сураг сонсохнээ, дуучин Б.Баярцэцэг хэд хоногийн өмнө үрийн зулай үнэрлэж бяцхан охинтой болсон гэнэ шүү. Хүүхдийнхээ аав болох залуутай тэрбээр олон жилийн турш хамтран амьдарсан гэнэ. Дуучныхаа гэр бүлд аз жаргалын дээдийг хүсэн ерөөе.
