Инээдмийн баярыг тохиолдуулан шог зураачдын хамтарсан уран бүтээлийн үзэсгэлэнг өчигдөр /2026.04.01/Хүүхдийн урлан бүтээх төвд дэлгэлээ.
Тус үзэсгэлэнд Монголын үе үеийн нэрт болон залуу уран бүтээлчид бүтээлээ дэлгэв. Ингэхдээ 17 шог зураач нийгмийн амьдрал, хүний мөн чанарыг шог, ёгт өнгө аясаар илэрхийлсэн 110 гаруй бүтээлийг үзэгчдийн хүртээл болгож байгаа юм.
Үзэсгэлэнд ардын зураач Ц.Байды, солёын гавьяат зүтгэлтэн А.Бат-Эрдэнэ, Л.Өлзийбат, урлаг судлалын ухааны доктор, профессор М.Моломжамц, “Болор цом”-ын эзэн яруу найрагч, шог зураач М.Амархүү, шог зохиолч, зураач А.Амарсайхан, шог зураач багш П.Пүүдорж, С.Болд, ахмад шог зураач С.Чимэддорж агсан болон бусад уран бүтээлчийн бүтээлүүд багтжээ. Үзэсгэлэн долоо хоногийн турш үзэгчдэд хүрнэ.
Ташрамд дурдахад, 2027 оноос эхлэн Монголын урчуудын эвлэлээс жил бүрийн дөрөвдүгээр сарын 1-нд шог зураачдын тусгай үзэсгэлэнг олон нийтэд дэлгэж байхаар болсон байна.
