Засгийн газрын хэрэгжүүлэгч агентлаг Соёл, урлагийн газар, Кино урлагийн зөвлөл хамтран зохион байгуулсан “Өсвөрийн кино бүтээгчдийн уралдаан – 2026” үйл ажиллагаа амжилттай болж өндөрлөлөө.
Уралдаанд оролцсон сурагчид 17 багт хуваагдаж 3-5 минутын хугацаатай “Цөлжилтийн эсрэг бидний дуу хоолой” сэдвээр богино хэмжээний кино бүтээл туурвиж, нийгэмд хүргэхийг хүссэн мессежээ дүрс, өгүүлэмжээр дамжуулан илэрхийллээ. Кино бүтээлийн явцад оролцогчид зохиол бичих, зураг авалт хийх, эвлүүлэг боловсруулах зэрэг практик мэдлэг, ур чадварыг эзэмшсэн юм.
Уралдааны тэргүүн байрыг “Mute” баг “Хайртай, хайргүй…” киногоор хүртсэн бол “Junior” баг “2103” киногоор дэд байр, “5 eagle” баг “The last move” киногоор гутгаар байрт шалгарлаа.
“Өсвөрийн кино бүтээгчдийн уралдаан – 2026” нь өсвөр үеийнхэнд кино урлагийн боловсрол олгох, тэдний бүтээлч сэтгэлгээ, багаар ажиллах чадварыг хөгжүүлэхийн зэрэгцээ байгаль орчин, тогтвортой хөгжлийн талаарх ойлголтыг нэмэгдүүлэхэд чиглэсэн юм. Энэ үеэр кино зохиол, найруулга, кино продюсер, орчуулгын киноны дуу оруулалт, киноны нүүр хувиргалт, кино зураглаач, кино зураач, кино жүжигчин гэсэн долоон чиглэлээр уран бүтээлч зочин багш нар сурагчдад хичээл заалаа.
