Хошин урлагийн "Шинэ үе" продакшны жүжигчин бүсгүйчүүд нэг рүүгээ халуун ус цацаж бие биенээ түлсэн хэрэг гарсан. Биеийнх нь нэлээд орчим хувь нь түлэгдсэн Д.Оюунтуулын хувьд өөрийг нь эрүүл, хохиролгүй болгоод өгчихвөл Ц.Алдармаад заавал ял шийтгэл оногдуулах сонирхолгүй байгаа гэж мэдэгдсэн ч эрүүгийн хэрэг үүсгэн шүүхэд шилжүүлсэн билээ.
Тэгвэл Ц.Алдармаа, Д.Оюунтуул нарт холбогдох хэргийн шүүх хурал энэ сарын 01-нд Сонгино хайрхан дүүргийн Эрүүгийн хоёрдугаар шүүхэд болох байсан ч хойшлогдсон юм.
Харин өнөөдөр дахин болохоор товлогдсон шүүх хуралд Д.Оюунтуулын өмгөөлөгч ирээгүй гэх шалтгаанаар дахин шүүх хурал хойшлогдлоо. Шүүгчдийн зүгээс тэднийг Монгол улсын хилээр гарахыг хориглож мөн дахин шүүх хурал хойшлуулахгүй гэдгийг онцлон хэллээ.
Х.Даваа
