Жүжигчин И.Одончимэг, Г.Ундармаа нарыг УИХ дахь эмэгтэй гишүүдийн бүлэг өнөөдөр Төрийн ордонд хүлээн авч уулзлаа. Энэ үеэр эмэгтэй гишүүд жүжигчин бүсгүйчүүдэд талархал илэрхийлж, цаашид хамтран ажиллах санал тавьсан юм. Жүжигчин И.Одончимэг Улаан чулуутын хогийн цэгт амьдарч буй хүүхүүдийг сургуультай болгох төслийг амжилттай хэрэгжүүлж байгаа бол Г.Ундармаа эмнэлгүүдийн хүлээлгийн хэд хэдэн танхимыг тохижуулсан билээ.
