“Хэнтийн өндөр ууланд” аялгуугаараа хэн бүхний сонорыг мялааж сэтгэлийг хөглөсөн энэ бүсгүйг та бид андахгүй. Хөгжим бүжгийн коллежээс эхлээд АНУ-ын Мичиган мужын Grand Valley их сургуулийг хийлийн гоцлоочоор төгссөн Ч.Дэлгэрцэцэг хатагтай өнөөдөр монголдоо зогсохгүй олон улсын давцанд хүлээн зөвшөөрөгдсөн. Хийл хөгжмийн гайхамшигт хэмнэлтэй
Монголчууд бид хийлч Дээгийгээр дамжуулан танилцсан гэхэд хилсдэхгүй.Тиймдээ ч хийл хөгжмөөрөө овоглож хаа ч явсан ямар ч тайзан дээр гарсан Хийлч Дээгий хэмээн зарлуулж, цоллуулдаг. Өдгөө Улаанбаатар чуулгад харьяалагдах болсон сонгодог хатагтай сүүлийн үед нам жимхэн байгаа. Энэ нь ч учиртай бөгөөд Хийлч Дээгий “Degi's Music School” хэмээх хөгжмийн сургуулиа нээжээ. Хөгжмийн сургууль төгөлдөр хуур , хийл , морин хуур , гитарын сургалтуудыг явуулж байгаа бөгөөд хийлч бүсгүйгээр хүүхдүүддээ хийл хөгжим заалгах хүсэлтэй олон эцэг эхчүүд хандаж байгаа сурагтай.
Мөн гитарын сургалтыг Шар айраг хамтлагийн дуучин Буянаа, төгөлдөр хуурын сургалтыг ХБК-д 32 жил багшилсан Эрдэнэцэцэг багш заадаг бөгөөд хийлч бүсгүй хөгжмийн салбарын шилдэгүүдийг эгнээндээ нэгтгэхийг зорьсон бололтой.Хийлч бүсгүй “Degi's Music School”-ийнхаа тухай “ Энэ бол зөвхөн эхлэл. Олон улсад хүлээн зөвшөөрөгдсөн хөгжмийн томоохон сургууль болсон ирээдүйг нь би харж, төлөвлөж байгаа” гэж хэмээн ярьсан байна.
www.URLAG.mn
