Өнгөрсөн онд урлагийнхны дунд шуугиан тариад байсан “Шинэ үе" продакшны жүжигчин Алдармаа, Оюунтуул нарын хэрэг эцэслэн шийдвэрлэгдээгүй байгаа билээ. Алдармаад 7-н жилийн хорин ял оноож тэрээр шинэ оны өмнөхөн батлан даалтанд гараад байсан юм. Түүний хэргийг нэмэлт мөрдөн байцаалтанд явуулснаар Оюунтуулд хүнд бус хөнгөн гэмтэл учруулсан гэж үзжээ. Үүнээс үүдэн Эрүүгийн хуулийн Тусгай ангийн 98 дугаар зүйл ангиар ял төлөвлөсөн гэнэ. Энэ зүйл ангид бусдын бие махбодид удаан хугацаагаар эрүүл мэндийг нь сарниулсан буюу хөдөлмөрийн чадварын гуравны нэгээс дээшгүйг алдагдуулсан гэмтэл санаатай учруулсан бол хоёр зуун тавин нэгээс дөрвөн зуун тавин цаг хүртэл хугацаагаар албадан ажил хийлгэх, эсхүл гурван жил хүртэл хугацаагаар хорих ял шийтгэнэ гэж заасан байна. мөн энэ зүйл заалт нь тэнсэнд хамрагддаг учир жүжигчин Алдармаа эрх чөлөөтэй болох боломжтой болж байгаа юм.
Эх сурвалж: mnews.mn
