Бусдын нутаг хэдий жаргалтай байвч
Бууж тордох надад хүслийн төдий
Будант тэнгэр хэдий хязгааргүй ч
Буцаж нисэх надад алгын төдий
Хүний нутаг хэдий хөгжилтэй байвч
Хүрээд буцахын надад үнэрлэхийн төдий
Хөлгүй далай хэдий зүрх алдамч
Хөөрөн нисэх надад арчихын төдий
Дахилт:
Нутгаа санасан хүний нулимс эх орных байдаг
Эх орны татах хүч ийм дүүрэн байдаг
Харийн нутаг хэдий тансагхан байвч
Хараад өнгөрөх надад хормын төдий
Нулимс төдий хүслэн алсын одод адил
Нутгаа зорих надад анивчихын төдий
Төрсөн нутаг хэдий алслан байвч
Эргээд очих надад бүүвэйн дуу
Төгрөг саран хэдий гэрэлтэй ч
Энэхэн орчлонд миний тоонот төдий
Дахилт:
Нутгаа санасан хүний нулимс эх орных байдаг
Эх орны татах хүч ийм л дүүрэн байдаг
