Поп од Бритни Спирс өөрийн нэрийн үнэт эдлэлийн брэндийг зах зээлд гаргахаар бэлтгэж байгаа бөгөөд шинэ төслийнхөө загвар, бүтээгдэхүүн боловсруулах үйл явцад маш идэвхтэй оролцож байгаа талаар мэдээлжээ.
Дуучин бүсгүй “B Tiny” нэртэй үнэт эдлэлийн коллекцоо ирэх хэдэн сарын хугацаанд танилцуулахаар төлөвлөж байгаа аж. Түүний ойрын эх сурвалжуудын мэдээлснээр, Бритни уг төслийг зөвхөн нэрээ ашиглан бүтээгдэхүүн гаргах байдлаар бус, өөрийн хэв маяг, хүсэл сонирхлыг бүрэн илэрхийлсэн жинхэнэ үнэт эдлэлийн брэнд болгохыг зорьж байгаа гэнэ.
Эх сурвалжийн мэдээлснээр, Бритни загвар зохион бүтээх үйл явцыг өөрөө удирдаж, бүтээгдэхүүн бүрийг баталж байгаа аж. Түүний зөвшөөрөлгүйгээр ямар ч загварыг үйлдвэрлэхгүй байгаа бөгөөд брэнд нь дуучны хэв маягийг илэрхийлэх юм.
Бритни Спирсийн энэхүү шинэ бизнесийн төсөл нь түүний загвар, гоо зүйн ертөнцөд өөрийн гэсэн байр сууриа бий болгох дараагийн алхам болж байна. Тус брэндийн бүтээгдэхүүн, үнэ болон худалдаанд гарах хугацааны талаарх дэлгэрэнгүй мэдээллийг ирэх долоо хоногуудад танилцуулахаар төлөвлөжээ.
Сонирхуулахад, Бритни Спирсийн 2001 онд гаргасан “Britney” нэртэй гурав дахь студийн цомгийн 25 жилийн ойд зориулсан тусгай хувилбар мөн энэ сард худалдаанд гарсан юм. Шинэ хувилбарт анхны дуунуудаас гадна өмнө нь албан ёсоор цацагдаж байгаагүй таван дуу багтжээ.
