Зохиолын дууны ертөнцөд хослон дуулж гарч ирсэн дуучин Чинболор Энхмэнд нарыг хүмүүс “Хайрын орчлон” дуугаар нь андахгүй мэдэх билээ. Баянмөнх шүлгийг нь бичиж Сэр-Од аяыг нь хийвэл тэр дуу хит болдог гэсэн ам дамжсан ярианы эзэн найрагчтай дуучин Б.Энхмэнд амьдралаа холбоод өдгөө 10 гаруй жилийн нүүрийг үдэж буй. Тэрээр яруу найрагч Н.Баянмөнхтэй Дундговь аймагт сонгуулийн суртчилгаанд явж байхдаа танилцаж түүнээс хойш үе үехэн уулзалдсаар яваад, дараа нь мессэж бичдэг болоод нэг мэдэхэд аягүй сүрхий танилууд болсон байсан. Удалгүй нэг l мэдэхэд нэг гэрт орчихсон байсан. Надтай сууя гэж хэлээгүй, би ерөөсөө суух уу гэж асуух болов уу ч гэж бодоогүй, аяндаа л суучихсан байсан. Энэ хүний юу нь надад таалагдаад би эхнэр нь болчихсон юм бүү мэд хэмээн нэгэн ярилцлагандаа дурдсан байдаг. Өдгөө тэрээр хоёр дахь хүүхдээ хараад гэртээ байгаа ч уран бүтээлээсээ хөндийрөөгүй нөхрийнхөө бичсэн болон бусад яруу найрагчдын өгсөн дуунуудыг дуулах бэлтгэлээ хийж байгаа аж.
