Нийслэлийн Ерөнхий боловсролын сургуулиудын хөгжмийн хичээлийн сургалтыг чанаржуулж, өсвөр үеийнхэнд уран сайхны боловсрол олгож гоо зүйн хүмүүжлийг төлөвшүүлэх, хүүхэд бүрийн авьяасыг хөгжүүлэх зорилгоор Нийслэлийн Засаг даргын ивээл дор уламжлал болгон зохион байгуулдаг Монгол улсын Хөдөлмөрийн баатар,Төрийн шагналт, Ардын жүжигчин Дагвын Лувсаншарав агсны нэрэмжит “Хүүхдийн найрал дууны шилдэг хамтлаг” шалгаруулах 23 дахь удаагийн уралдаант наадмын анхан шатны шалгаруулалтыг 10 дугаар сарын 7 – 9-ний өдрүүдэд, төгсгөлийн шатны шалгаруулалтыг 10 дугаар сарын 16-ны 10:00 цагаас Монголын хүүхдийн ордонд зохион байгууллаа.
Анхан шатны шалгаруулалтад нийслэлийн 7 дүүргийн 65 сургуулийн 5320 сурагч оролцож 195 багш оролцсоноос төгсгөлийн шатны шалгаруулалтад 7 дүүргийн 17 сургуулийн 1300 сурагч, 51 багш ур чадвараа сорин оролцлоо.
Уралдааны
1-р байранд Баянгол дүүргийн Эрдмийн өргөө цогцолбор сургуулийн найрал дууны хамтлаг
2-р байранд Сүхбаатар дүүргийн Монгол- Оросын хамтарсан 3-р сургуулийн найрал дууны хамтлаг
3-р байранд Баянгол дүүргийн 28-р сургуулийн найрал дууны хамтлаг
Тусгай байруудад Налайх дүүргийн найрал дууны “Силвер стрингс” хамтлаг
Сонгинохайрхан дүүргийн 107 дугаар сургуулийн найрал дууны хамтлагууд тус тус шалгарлаа
Мөн шилдэг удирдаач багшаар Налайх дүүргийн Голомт цогцолбор сургуулийн хөгмийн багш Б.Очирбат, шилдэг найралжуулагч багшаар Баянгол дүүргийн 28-р сургуулийн хөгжмийн багш С.Урантуяа нар шалгарлаа.
Уралдааны шагналт байр, шилдэг хамталгуудын хамтарсан Гала концертийг Нийслэлийн 376 жилийн ойг тохиолдуулан 10 дугаар сарын 29-ний 12:00 цагаас Соёлын төв өргөөнд зохион байгуулна.
НИЙСЛЭЛИЙН СОЁЛ УРЛАГИЙН ГАЗАР
