Ус цаг уур орчны шинжилгээний газраас гаргасан өнөөдрийн цаг агаарын мэдээг хүргэе.
Өнөөдөр Архангай, Булган, Сэлэнгийн нутаг, төв аймгийн хойд хэсгээр цасан шуурга шуурах тул ард иргэд, холын замд гарахдаа анхаарал болгоомжтой байхыг тус газраас сэрэмжлүүллээ.
Мөн өнөө маргааш баруун болон төвийн нутгаар, 16-нд нутгийн зүүн хэсгээр цас орж цасан шуурга шуурч, хүйтрэх тул зам даваанд халтиргаа гулгаа үүсч болзошгүйг анхааруулж байна.
Баруун аймгуудын нутгаар үүлэрхэг. Бусад нутгаар үүлшинэ. Баруун аймгуудын зүүн хэсэг, Төвийн аймгуудын ихэнх нутгаар хур тунадас, цас орно. Салхи баруун аймгуудын нутгаар баруун хойноос, бусад нутгаар баруун өмнөөс баруун хойш эргэж секундэд 7-12 метр, зарим газраар секундэд түр зуур 18-20 метр хүрч шороон болон цасан шуурга шуурна.
Хүйтэрч Алтай, Хангай, Хөвсгөл, Хэнтийн уулархаг нутгаар 0-5 градус хүйтэн, говийн бүс нутгийн өмнөд хэсэг, Дорнод, Дарьгангын тал нутгаар 16-21 градус, бусад нутгаар 2-7 градус дулаан байна.
Улаанбаатарт:
Нийслэл хотод үүлшинэ. Хур тунадас орохгүй. Салхи баруун өмнөөс баруун хойш эргэж секундэд 6-11 метр, зарим үед секундэд 14-16 метр хүрч шороон шуурга шуурна. Өчигдрөөс хүйтэрч 5-7 градус дулаан байна.
