Дуучин Лейди Гага бусад холливудын оддын жишгийг даган үнэртэн, мөн өөртэй нь адилхан хүүхэлдэй хийлгүүлж байна.
Гага том нүдтэй, загварлаг Bratz хүүхэлдэйг үйлдвэрлэдэг АНУ-ын “MGA Entertainment” компаниар өөрийн хүүхэлдэйгээ хийлгэхээр захиалга өгсөн байна. Гэвч өөрийн шинэ цомгоо гаргасны дараа, шинэ үнэртэй усаа гаргасны дараа гэх мэтээр хүүхэлдэйг борлуулж эхлэх хугацааг удаа дараа хойшлуулснаас “MGA Entertainment” түүнийг шүүхэд өгчээ.
Хүүхэлдэйг зарж борлуулж болох баяр, арга хэмжээ олон болсон. Тэр бүгдээс 28 сая ам.доллар ойролцоогоор олох байсан хэмээн компани үзэж байгаа юм. Компани дан ганц дуучин бүсгүйд ч биш, түүний менежментийн компани Бравадо Олон улсын группт зарга мэдүүлсэн байна. Гэхдээ дуучны төлөөлөгчийн хэлснээр энэ маргаан бол хоёр компаниудын хоорондын асуудал болохоос биш, Гагаг оролцуулах шаардлагагүй юм.
Мөн “MGA Entertainment”-ын мэдүүлснээр Лейди Гага тэднээс хүүхэлдэйг илүү загвар өмсөгч шиг, илүү хөөрхөн болгож өгөхийг хүссэн гэнэ. Хэрэв ингэсэн нь үнэн бол дуучны гол уриа болдог “цор ганц, өөрийнхөөрөө байх” зарчимтай нь харшилж байгаа юм.
Ц.Мишээл
