Олны анхаарлын төвд байнга байдаг бүсгүйчүүдийн нэг нь яах аргагүй топ модель Д. Пүрэвсүрэн. Загвар өмсөж, улмаар жүжигчний мэргэжил эзэмшин, «од» болох замаар эргэлт буцалтгүй замнасан Пүүжээ арван хэдэн настайгаасаа өнөөдрийг хүртэл олны анхаарлын төвд байсаар… Дунд сургуулиа дөнгөж төгссөн жаахан охин «алтны магнат» гэгдэх Ц.Мянганбаярын гэргий болж, охиныг нь төрүүлж өгсөн.Тэрээр энэ хугацаанд олны танил байхын жаргал, зовлонг хангалттай эдэлсэн гэхэд хэлсдэхгүй. Нөхөр нь олон бүсгүйтэй нэр холбогдохын хэрээр Пүүжээ ч бас «хормой султай» гэгдэж байсан цаг саяхан. Гэвч тэд нэг л өдөр хамтын амьдралдаа нэгмөсөн цэг тавьсан юм. Анхны нөхрөөсөө сүр дуулиантай салсныхаа дараа тэрбээр урьд урьдынхаасаа илүү «гялалзаж», топ модель цол хүртэн, кинонд тоглох саналуудад «даруулсан». Удалгүй «Хархорин» захын боссын хүү П. Цэгцбаатар хэмээх залуутай хайрын романс үүсгэсэн. Тэр ч бүү хэл, хар тамхины хэрэгт хүртэл холбогдоод амжсан. Яагаад ч юм, үргэлж л мөнгөтэй хүнтэй нэр холбогдож, дурлалын “шувуухай мэт нисдэг” Пүүжээ өнгөрсөн жил хоёр дахь амьдралаа зохиосон юм. Түүний энэ удаагийн сонголт мөн л «алт»-тай холбоотой. Алтны уурхайн захирал залууг амьдралынхаа хоёр дахь ханиар сонгосон түүнийг хүмүүс ямар сайндаа л «алтанд дуртай» хэмээн живэр авир гэлцэх вэ дээ. Хэдийгээр цаг үргэлж хэл аманд өртөж явдаг ч Пүүжээд монголчууд тун их хайртай. Тиймдээ ч «Олж харахгүй байхын аргагүй гоо үзэсгэлэн нь л түүнийг хэрэгт дуртай хүмүүсийн хэл амны бай болгодог» хэмээн өмөөрдөг. Үнэндээ ч олны үг оргүй биш. Учир нь, Пүүжээ өнгөрсөн хугацаанд өөрийн буруугаас болж, хазгай гишгэсэн тохиолдол байхгүй билээ.
Duulian.mn Б.Отгон
