AFP-ийн уламжилснаар Нобелийн найман удаагийн шагналтай NBC телевиз энэхүү асуудлаас болж шоугаа түр хугацаанд зогсоогоод байгаа аж. Эсэргүүцэгчид өнгөрсөн даваа гаригт NBC сувгийн Нью-Йорк дахь байрны гадаа жагссан.
Шоуны хөтлөгчөөр Косово, булангийн дайнд оролцож явсан АНУ-ын бэлтгэл генерал Уэсли Кларк ажиллана. Тэрбээр дайны гашуун, эмгэнэлт үйл явдлыг нүдээрээ үзсэн хүний хувьд “Stars Earn Stripes” шоуг зохион байгуулахын эсрэг байх ёстой хэмээн эсэргүүцэгчид үзэж байна.
“Цэргийнхний гэр бүл” төрийн бус байгууллагын төлөөлөгч Жон Уиль “Дайн бол тоглоом биш. Өнгөрсөн баасан гаригт л гэхэд АНУ-ын зургаан цэрэг Афганистанд амиа алдлаа. Энэхүү реалити шоуг зохион байгуулснаар хүүхдүүдэд ирээдүйн цэрэг болгох сэтгэлгээг суулгаж, тэдний дайнд оролцох дур хүслийг нэмэгдүүлэх болно” гэж AFP-д өгсөн ярилцлагадаа онцлов.
NBC телевизийн шоуг эсэргүүцэгчид “Stars Earn Stripes”-г болиулахын тулд 26 мянган хүний гарын үсэг цуглуулах ажилдаа оржээ. Тус телевизийн төлөөлөгч Филип Струб “Бид Пентагонтой хамтран телевизийн шоуг зохион байгуулахаар болсон. Хүмүүст цэрэг эрсийн сайн талыг харуулах зорилготой” гэжээ.
Т.Арьяа
