Ийм нэртэй жаз тоглолт энэ сарын 13-нд Тусгаар тогтнолын ордонд болох юм байна. Монголын болоод дэлхийн шилдэг жаз, сонгодог поп бүтээлүүдийг, "Баян монгол" чуулгын үлээвэр найрал хөгжим "Jazz big band"' хамтлаг, Монгол Улсын филармони оркестр, утсан хөгжмийн ангийн уран бүтээлчид эгшиглүүлнэ. Шилдэг бүтээлүүдийн хөгжмийн найруулга ая данг ерөөсөө өөрчлөхгүйгээр анхны тэр л байдал, өнгө аясаар нь хөгжим сонирхогчдод хүргэхээрээ энэ тоглолт өвөрмөц болно гэнэ.
Монголд өмнө нь олон уран бүтээлчид өргөн бүрэлдэхүүнээр нэгдэж байсан ийм томоохон хэмжээний жаз тоглолт болж байгаагүй аж. Тоглолтод “Hotspot” хамтлаг, "Инээмсэглэл" хамтлагийн дуучин Н.Ганхуяг, жаз дуучин Н.Наранбаатар, дуучин Ц.Хулан, Э.Номин, Б.Солонго, "Киви" хамтлагийн ахлагч, дуучин Ука буюу Д.Уламбаяр, жүжигчин Э.Ууганбаяр нар оролцож жаз хөгжмийн гайхамшгаас мэдрүүлэх ажээ.
