Нас болгон өөртөө тохирсон гоо сайхантай бас бэрхшээлтэй. Тийм учраас хүн болгон насандаа зохицож тэр үеэрээ бахархаж, тэр үедээ амьдарч байх ёстой гэж хэлэх дуртай нэгэн бол ардын жүжигчин, төрийн соёрхолт Н.Сувд юм.
Монголын алдарт “Мандухай сэцэн хатан”-ы дүрийг дэлгэцнээ амилуулах хэн хүнд заяахгүй эрхийг авсан тэрээр азтай жүжигчин билээ. Энэхүү киноны хамгийн агуу дүрийг бүтээснээрээ Төрийн шагнал хүртэж байсан юм. Өнөөдрийг хүртэл ардын жүжигчин маань хаа явсан газартаа Мандухай сэцэн хатны дүрээрээ овоглож яваа нэгэн. Жүжигчин Н.Сувд өдгөө 60 насын босгыг давсан ч саяхнаас үсэндээ анхаарах болж шараар будуулсан байна. Өмнө нь байнга үндэснийхээ дээлээр гоёж явдаг байсан жүжигчинг үснийхээ өнгийг ийнхүү өөрчилөхөд гайхах нэгэн байтал сайшааж байгаа хүмүүс ч байгаа гэнэ шүү.
Эмэгтэй хүн амьдралдаа томоохон өөрчлөлт хийх үедээ үсээ тайруулах эсвэл өнгийн өөрчилдөг гэсэн яриа бий. 1996 онд МАХН-ынхаа нэрийн өмнөөс УИХ-д нэр дэвшиж байсан жүжигчин Н.Сувд сонгуулийн дараагаар өгсөн ярилцлагандаа гишүүнээр сонгогдоогүй нь зөв болж, би улс төрч болохын төлөө тэгэж их зүтгээгүй гэж хэлсэн байдаг. Ямартай ч жүжигчиндээ цаашдын амьдралд нь аз жаргал, сайн сайхныг хүсье.
Т.Жанерке
