“Гайхамшигт ардын дуу” эргэн ирлээ

Морин хуурын чуулгынхан “Гайхамшигт ардын дуу” нэртэй тоглолтоо энэ сарын 6, 7-нд Улсын филармоны тайзнаа хийх гэж байна. Чуулгынхны хувьд уг тоглолт нь энэ оны анхных бөгөөд Үндэсний цагаан сарын өмнө болж буй гэдгээрээ онцлог юм. Тус чуулгынхан “Гайхамшигт ардын дуу 1, 2” цуврал тоглолтоо өнгөрсөн онуудад үзэгчиддээ хүргэснийг санаж байгаа биз ээ. Харин энэ удаагийн тоглолтдоо дээрх цувралуудад тольлуулсан шилдэг уран бүтээлээсээ дээжлэн хүргэхээр болжээ. Улсын филармонийн тайзнаа толилуулах уг тоглолтод Морин хуурын чуулгын ерөнхий удирдаач, Ардын жүжигчин Ц.Батчулуун, тус чуулгын удирдаач Д.Түвшинсайхан, МУАЖ Ш.Чимэдцэеэ, уртын дууч СТА Э. Сандагжав, ардын дууч СТА Д. Бурмаа, дуучин СТА Г. Бямбажаргал нар уран бүтээлийнхээ дээжээс өргөн барьна.



Г.Уянга