Монголын рок поп урлагийн поп дива нарын нэг зууны манлай эстрадын дуучин, Гавьяат жүжигчин Б.Сарантуяагийн "Амьдрал намайг дуунд уяраажээ" гэрэл зургийн үзэсгэлэн “Blue Sky” цамхагийн“Blue moon art gallery”-д нээлтээ хийсэн. Тэрээр олон зүйлийн анхдагч. Энэ удаад ч рок, попынхон дундаа анх удаа уран зургийн галерейд бие даасан гэрэл зургийн түүх өгүүлсэн үзэсгэлэнгээ дэлгэлээ. 16-хан насандаа Монголын рок, поп ертөнцөд анх хөл тавьж байсан XX зууны манлай эстрадын дуучин, гавьяат жүжигчин Б.Сарантуяа “Амьдрал намайг дуунд уяраажээ” нэртэй гэрэл зургийн үзэсгэлэнд түүний 27 жилийн турш урлагт хүчин зүтгэсэн түүхэн замналыг шингээсэн 70 гаруй гэрэл зураг багтжээ. Тиймээс энэ үзэсгэлэнд Мөнгөн харандаа хамтлагт дуулж байсан үеэс эхлэн гадаадын тайзнаа, рок, попын алтан үеийн уран бүтээлчдийн хамт авахуулсан ховор зургуудаас эхлээд “Мартъя”, “Ижил саран” клипний зургууд болон түүний урлагт хөл тавьснаас эхлэн өнгөрсөн жил Европын орнуудад хийсэн аялан тоглолтын зургууд нь хүртэл дэлгэгджээ.
Үзэсгэлэнгийн зургийг энд дарж үзээрэй.
Мөн дашрамд хэлэхэд дуучин маань ирэх 5 сард тоглогдох гэж байгаа “Ромео & Жульетта “ мюзикл тоглолтонд дуулагдах, шинэхэн уран бүтээлээ бэлдээд тун завгүй байгаа бөгөөд ихэнх цагаа энэ бүтээлдээ зарцуулж байгаа юм. Мюзиклд монголын уран бүтээлчдээс бүрдсэн 350 гаруй хүний бүрэлдэхүүнтэй баг хамт олон ажиллаж байгаа олзуурхууштай юм. Мөн Франц улсаас зөвлөхүүд ирж ажиллахаар болсон нь Монголын урлагт бас нэгэн дэвшилтэт алхам болж байна. “Ромео & Жульетта “ мюзикл тоглолтонд дуулагдах, шинэхэн уран бүтээлээ “Гэгээн Муза” наадамд зориулан, дэлхийн сонгодог жүжгийн дууг эх хэлнээ хөрвүүлэн дуулсан нь театр, урлагийн болон рок попынхны талархлыг хүлээн, өндөр үнэлгээ авчээ.
www.URLAG.mn
