Яруу найрагч Ц.Хулан яруу найргийн шинэ номоо гаргажээ. "Алтан зэгсний ангир" нэртэй энэхүү ном нь найрагч хатагтайн "Зүгээр л нэг амьдрахсан" номоос хойш гаргаж буй найргийн бүтээл юм. Номын нээлт ирэх ням гаригт буюу зургадугаар сарын 16-ны 15.00 цагт Явуухулангийн нэрэмжит цэцэрлэгт хүрээлэнд болно.
Номын хуримд яруу найрагч П.Бадарч, Д.Цоодол, Д.Урианхай, болон модернист яруу найрагч Б.Галсансүх, алс баруун хязгаар Ховдоос ирж буй Хөөдэйн Эрдэнэбаатар нарын үеийн үеийн шилдэг, шижигнэсэн уран бүтээлчид оролцож, уншигчидтай уулзалт, яриа өрнүүлэх ажээ. Мөн энэ үеэр найрагч Ц.Хулангийн гарын үсэгтэй номын худалдаа болох юм байна.
Яруу найрагч Ц.Хулан өмнө нь "Торгоны маань хээ", "Гүнж аялгуу", "Гуниг тайтгарал", "Зүгээр л нэг амьдрахсан" зэрэг номууд гаргаж байжээ. "Алтан зэгсний ангир" яруу найргийн номын нээлтийг МЗЭ, "Сарнайх" салон, "Гранд" сэтгүүл хамтран зохион байгуулах юм.
www.URLAG.mn
