“Making the band-3” реалити шоунаас тодрон гарч “MIXX” хэмээх хамтлаг байгуулан хэд хэдэн уран бүтээл гарган хит болгож чадсан залуус “Royal music” продакшинд харьялагдах болж, улмаар “The One” нэртэй шинэ хамтлаг байгуулаад байгаа билээ.
Хамтлагийнхаа охидоос ганцаараа тунан үлдэж, гурван залуутайгаа хамтран уран бүтээлээ туурвиж яваа дуучин Г.Амаржил таван настайгаасаа эхэлж уран нугаралтаар хичээллэсэн төдийгүй төгөлдөр хуурыг ч мөн шаггүй тоглодог аюъяаслаг нэгэн аж.
“MIXX” хамтлагт байхдаа толгойныхоо тал үсийг хусуулж өөрийн хэв маягаа эвдэж байсан бол шинээр байгуулсан “The One” хамтлагтаа толгойгоо бүрмөсөн халзан болгосон гэнэ шүү.
Одоохондоо хилэн хар хиймэл үсээр гангарч яваа Г.Амаржил “Цаг нь болохоор ямар дүр төрхтэй гарч ирэхийг минь хараарай” гэсэн нь олны сонирхлыг ихэд татаад байгаа юм. Өвөрмөц дүр төрх, шинэлэг уран бүтээлийг нь хүлээх л үлдлээ.
www.URLAG.mn
