Хайртай чинийхээ хажууд дэлгэрч ургасан
Хайрын бэлгэдэл цагаан уул цэцэг баймаар байна
Хамаг бүхнээс харамлан хамгаалж
Халуухан хайраараа усалж тордоорой
Янагхан чинийхээ дэргэд унжиж ургасан
Ялгуун гоо ялдам цэцэг баймаар байна.
Ямар ч үед нулимсыг нь урсгалгүй
Яруухан сэтгэлээр энхрийлж ургуулаарай.
Цэвэрхэн чинийхээ хажууд босоо ургасан
Цэцгийн хаан цахирмаа баймаар байна
Цээжний гүнээс хатан шиг тахиж
Цээлхэн инээдээрээ аргадаж тордоорой.
Голоос хайртай чинийхээ хажууд нуугдаж ургасан
Гоо үзэсгэлэнгийн бэлгэдэл нарцисс цэцэг баймаар байна.
Гоёмсоглон байрлуулж илбэн энхрийлэн
Гомдоолгүй асран тордож ургуулаарай
www.URLAG.mn
