Ангилал: Сонсох

Монголын соёл, яруу найргийн академиас “Тэнгэр, нар, түншлэл” нэртэй Монгол, Япон уран бүтээлчдийн хамтарсан каллиграф буюу уран бичлэгийн үзэсгэлэн Blue Moon арт галерейн үзэсгэлэнгийн тахимд энэ сарын 20-нд нээлтээ хийнэ.

Уг үзэсгэлэнг Монгол улс, Япон улсын хооронд соёлын харилцаа эхэлсний 40 жилийн ойд зориулж байгаа бөгөөд Япон улсын нийгэм, улс төрийн зүтгэлтнүүд тус үзэсгэлэнд оролцох гэнэ. Тухайлбал, тус улсын Ерөнхий сайд тэргүүтэй Засгийн газар, парламентын 30 гишүүн уг үзэсгэлэнд оролцохоор каллиграф бичиж байгаа тухай мэдэгджээ. Үүний дотор Ерөнхий сайд Шинзо Абэ, Гадаад Хэргийн сайд Ф.Кешида нар оролцоно гэж зохион байгуулах хорооноос мэдээллээ. Үзэсгэлэнг Японы талд зохицуулах ажлыг эрх баригч Либерал ардчилсан нам дах бүлгийн ахлагч Н.Хаяаши Мото ахалж буй бөгөөд одоогийн байдлаар Ерөнхий сайд асан Ю.Хатуяама, Парламентын зөвлөлүүдийн танхимын дарга Эда Хаски зэрэг хүмүүс бүтээлээ ирүүлээд байна.

Монгол Улсын Шинжлэх ухааны академийн Түүхийн хүрээлэнгээс Бүгд Найрамдах Чех улсын Элчин сайдын яамтай хамтран Чехословакийн археологич Лумир Йисл (1921.04.18-1969.11.22)-ийн хувийн архивт хадгалагдаж байсан урьд өмнө нийтийн хүртээл болоогүй 1957- 1963 онуудад монголд ажиллаж байхдаа авсан ховор нандин гэрэл зургуудаар “Монголын 108 төрх” түүхэн гэрэл зургийн үзэсгэлэнг нээж байна. Уг үзэсгэлэн Г.Занабазарын нэрэмжит Монголын Дүрслэх Урлагийн Музейн үзэсгэлэнгийн танхимд өнөөдөр буюу энэ сарын 13-ны 14:00 цагт нээлтээ хийх гэж байна.

Blue Moon арт галерейн гишүүн уран бүтээлч, МУ хөдөлмөрийн хүндэт медальт МУСТА, МУЭ нэрэмжит шагналт зураач С.Энх-амгалангийн “ХАН ХУРМАСТЫН ХҮЛЭГ” 6 дахь бие даасан үзэсгэлэн Blue Moon арт галерейн үзэсгэлэнгийн тахимд 2014.08.06-08.19-ны хооронд дэлгэгдэж та бүхний мэлмийд хүргэхэд бэлэн боллоо.

Монголын Үйлдвэрчний эвлэлийн байранд байрлах “Best” арт галлерейд “Усан будгийн Мастеруудийн үзэсгэлэн” дахин шинэчлэгдлээ. Өнгөрөгч долдугаар сарын 7-нд “Вest” арт галлерей нээлтээ хийж байсан “BEST арт галлерей” нь “Усан будгийн Мастерууд”-ийн үзэсгэлэнг амжилттай зохион байгуулсан ба давхардсан тоогоор нийт 2500-аад хүн үзэж сонирхжээ.

Зураач М.Ариунзаяа “Монгол бүсгүйн дөрвөн өнгө” нэртэй үзэсгэлэн Лондон хотноо нээлтээ хийжээ. М.Ариунзаяагийн хувьд зөвхөн эмэгтэй хүний хөрөг зурдаг онцлогтой юм. Үзэсгэлэнгийн нээлтийн үеэр түүнд Лондонгийн дүрслэх урлагийн дээд сургуульд багшлах санал тавьсан бөгөөд мөн “Америкийн хүндэт зочин” гэсэн шагнал гардуулсан байна. Тэрээр 10 гаруй жил АНУ-д амьдарч уран бүтээлээ хийж байгаа юм.

БНАСАУ-ын Уран хатгамалч ЧЭ ЖОН СҮН-ний уран бүтээлийн бие даасан хатгамалын үзэсгэлэн Blue Moon арт галерейн үзэсгэлэнгийн танхимд 2014.08.01-05-ны хооронд дэлгэгдэж та бүхний оюуны мэлмийг баясгах гэж байна.

“Blue Moon” арт галлерей нь 2012 оны 12-р сарын 9-ны өдрөөс эхлэн үйл ажиллагаагаа явуулж эхэлсэн ба арав хоног тутамд мэргэжлийн уран бүтээлчдийн өндөр түвшинд бүтээгдсэн бүтээлүүдийг толилуулдагаараа онцлогтой юм.

“Т-Батаар ба сор үзмэрүүд” үзэсгэлэн өнөөдөр 20:00 цагт “Үлэг гүрвэлийн төв музей”-д нээлтээ хийнэ. Уг үзэсгэлэнд дэлхий дахинд “Монгол баатар” хэмээн алдаршсан Тарбозавр батаар болон бусад Монголын сор болсон үзмэрүүд дэлгэгдэх аж. Тухайлбал, 15 зулзаган протоцератопс, Ингениа , Овираптор, Сайхания зэрэг сонирхолтой үзмэрүүд дэлгэгдэх юм байна.

Blue Moon арт галерейгаас санаачлан морин жилийн үндэсний их баяр наадмыг тохиолдуулан моринд хайртай, монгол түмэндээ зориулан Blue Moon арт галерейн гишүүн уран бүтээлчид болох Ч.Дорждэрэм, С.Базарваань нарын хамтарсан “ТӨВӨРГӨӨН” үзэсгэлэнг 2014.07.07-07.16-ны хооронд зохион байгуулж та бүхний оюуны мэлмийд өргөн барьж байна.

Монголын залуу уран бүтээлчдийг дэмжих, тэдний бүтээлийг олон нийтэд хүргэх, шинэлэг шийдэл, өвөрмөц дүр төрхийг нээн илрүүлэх зорилго бүхий уг дүрслэх урлагийн уралдаант үзэсгэлэн нь энэ жил уламжлал ёсоор 6 дахь удаагаа зохион байгуулагдах гэж байна.