“Blue moon” арт галерейгаас уран бүтээлчдийг дэмжих, тэдний идэвхийг нэмэгдүүлэх, урлагаар дамжуулж хүмүүсийн гоо сайханы таашаалыг хөгжүүлэх,
Монголын дүрслэх уран бүтээлчдийг дэлхий нийтэд таниулах, шинэ залуу авьяаслаг уран бүтээлчдийг дэмжих зорилгын хүрээнд дүрслэх урлагийн төрлүүдээр төрөлжүүлсэн үзэсгэлэн, сэдэвт үзэсгэлэнг уран бүтээлчдийн дунд тогтмол зохион байгуулж таван зуу гаруй уран бүтээлчдийг өнгөрсөн хугацаанд хамруулж чаджээ.
Blue moon арт галерейн дэргэдэх “Аялагч зураачдын клуб”-ын “МИНИЙ НУТАГ-2” үлгэр шиг нутгаар-аялалын уран бүтээлийн үзэсгэлэн 2014.09.19-28-ны хооронд дэлгэгдэж та бүхний мэлмийд хүрэх гэж байна.
Mонголын урлагийн зөвлөл, Солонгосын урлагийн зөвлөл хамтран “Цаг хугацаа ба орон зай” Нүүдлийн урлан-2014 хөтөлбөрийг Өмнөговь аймагт амжилттай хэрэгжүүлжээ.
Уг хөтөлбөрийн үр дүн бүхий Монгол, Солонгосын уран бүтээлчдийн хамтран, шинээр туурвисан уран бүтээлийн үзэсгэлэн өнөөдөр 17:00 цагт “Туушин” зочид буудлын “976” арт галерейд гарна.
МУЭ-ийн шагналт зураач, Олон улсын уран бүтээлчдийн Монголын Холбооны /ОУУБМХ/ тэргүүн А.Чадраабалын “Саруул талын өглөө” уран бүтээлийн 14 дэх бие даасан үзэсгэлэн Blue Moon арт галерейн үзэсгэлэнгийн танхимд 2014.09.09-08.18-ны хооронд дэлгэгдэж та бүхний мэлмийд хүрэх гэж байна.
Залуу уран бүтээлч С.Жаргалмаагийн “НАРТАЙ БОРОО” уран бүтээлийн анхны бие даасан үзэсгэлэн Blue Moon арт галерейн үзэсгэлэнгийн танхимд 2014оны 09.02-08-ны хооронд дэлгэгдэж та бүхний оюуны мэлмийг баясгах гэж байна.
Залуу уран бүтээлч Н.Цэвэлмаагийн “СЭТГЭЛИЙН ЧИМЭЭ” уран бүтээлийн бие даасан үзэсгэлэн Маршал арт галерейд 2014 оны 08.29-09 сарын 09-ны хооронд дэлгэгдэж та бүхний оюуны мэлмийг баясгах гэж байна. Дүрслэх урлагийн түүхэнд уран бүтээлчид түүxийн цаг үе бүxэнд суурь уран зураг, реализмын чиглэлийг баримталж уран бүтээлч болсон замналтай байдаг бөгөөд залуу уран бүтээлч Н.Цэвэлмаа суурь уран зургийг эрхэмлэдэг юм.
Монгол Улсын Шадар сайд Д.Тэрбишдагвын санаачилсан “Ард түмэн Та-Хаан” форумын хүрээнд Мэргэжлийн хяналтын ерөнхий газраас “Бурууд нүд хурц” гэрэл зургийн уралдааныг аравдугаар сарын 31-нийг хүртэлх хугацаанд зарлажээ.
Blue Moon арт галерейн гишүүн уран бүтээлч Д.Батнасангийн “ТАЛЫН САЛХИ” 8 дахь бие даасан үзэсгэлэн Blue Moon арт галерейн үзэсгэлэнгийн танхимд 2014.08.23-09.01-ны хооронд дэлгэгдэж та бүхний мэлмийд хүрэх гэж байна.
Урлагийн төлөө зүрх сэтгэлээ өгсөн уран бүтээлч Д.Батнасанг Ийгл ТВ-ын “Сонгодгуудыг Сонсохуй” төслийг санаачлагч, нэвтрүүлгийн зохиолч, хөтлөгч, зураач гэдгээр нь олон хүн андахгүй.
Монгол, Японы хооронд соёлын харилцаа тогтоосны 40 жилийн ойд зориулсан “Тэнгэр, нар, түншлэл” монгол, япон бичгийн уран татлагын үзэсгэлэнгийн нээлтэд Улсын Их Хурлын гишүүн, Улсын Их Хурал дахь Ардчилсан намын бүлгийн дарга, Улсын Их Хурал дахь Монгол-Японы парламентын бүлгийн дарга Д.Эрдэнэбат, Улсын Их Хурлын гишүүн, Соёл, спорт, аялал жуулчлалын сайд Ц.Оюунгэрэл, Улсын Их Хурлын гишүүн, Боловсрол, шинжлэх ухааны сайд Л.Гантөмөр, Улсын Их Хурлын гишүүн, Гадаад харилцааны сайд Л.Болд, Улсын Их Хурлын гишүүн Су.Батболд, С.Одонтуяа, М.Батчимэг, Б.Гарамгайбаатар нар оролцлоо. Мөн үэзсгэлэнгийн нээлтэд Японы парламентын Япон-Монголын парламентын бүлгэмийн төлөөлөгчид оролцсон юм.
Монголын Соёл, яруу найргийн академиас “ТЭНГЭР, НАР, ТҮНШЛЭЛ” нэртэй Монгол, Япон уран бүтээлчдийн каллиграф буюу уран бичлэгийн үзэсгэлэн Blue Moon арт галерейн үзэсгэлэнгийн тахимд 2014.08.20-22-ны хооронд 3 хоног дэлгэгдэж та бүхний мэлмийд хүргэх гэж байна.
