ОХУ-ын урлагийн гавъяат зүтгэлтэн, Оросын хөгжмийн сургуулийн үндсийг тавьсан мэргэжлийн хөгжимчдийн томоохон төлөөлөгчдийн нэг, П.И.Чайковскийн нэрэмжит ОУ-ын VI уралдааны шагналт, “Grammy Awards – 2004” наадмын нэр дэвшигч С.В. Судзиловский энэ өдрүүдэд Монголд айлчилж байна. Тэрээр маргааш буюу 03 сарын 28-нд Монгол Улсын консерваторын концертийн танхимд “Морин хийлийн тоглолт”, 03 сарын 29-нд “Мастер класс” хийх юм. Түүний урын санд морин хийл хөгжмийн сонат 130 гаруй концерт байдаг. С.В. Судзиловский оркестртай нийлсэн бие даасан тоглолтуудаа дэлхийн ихэнх оронд тоглосон бөгөөд Европ, Америк, Солонгос ба дэлхийн алдартай Gewandhaus (Лейпциг), Royal Albert Hall (Лондон), Manuel de Falla Hall (Мадрид), Schauspielhaus (Берлин)-ны тайзнаа тоглосон.
Ангилал: Уртын дуу
Өмнөговь аймаг 2019 оныг “Соёлыг дэмжих жил” болгон зарлаж Ном уншдаг, Өв соёлоо дээдэлдэг, Нийтийн соёлыг эрхэмлэдэг аймаг болох зорилт тавин ажиллаж байгаа бөгөөд 03-р сарын 25-ны өдөр аймгийн ЗДТГ-ын хурлын танхимд “Соёл урлаг-тогтвортой хөгжил” аймгийн соёлын ажилтны зөвлөгөөнийг зохион байгууллаа. Тус зөвлөгөөнийг Засгийн газрын хэрэгжүүлэгч агентлаг Соёл урлагийн газар нь аймгийн БСУГ-тай хамтран зохион байгуулсан ба зөвлөгөөнд аймгийн ИТХ-ын дарга Х.Сугар, аймгийн засаг дарга Н.Наранбаатар болон сумдын засаг дарга нар, соёл, урлагийн байгууллагын ажилтнууд, ардын авъяастнууд, чөлөөт уран бүтээлчдийн төлөөлөл оролцсон юм.
Өнгөрсөн долоо хоногт нээлтээ хийсэн “US” аймшгийн кино “Box office”-ийг 70 сая ам.долларын ашиг, орлогоор тэргүүлжээ. “US” киноны зохиолч найруулагч Жордан Пийл “Get out” аймшгийн киногоороо 2017 оны Оскарын наадмаас шилдэг кино зохиол шагналыг хүртэж байсан.
Монгол Улсын Консерваторийн сонгодог хөгжмийн мэргэжлийн сургуулийн Үлээвэр, цохивор хөгжмийн тэнхимийн багш, Монгол Улсын гавьяат багш Б.Зоригт гуравдугаар сарын 25, 26-нд шавь нарынхаа хамт шинэ уран бүтээлийн “Найруулга-2019” тоглолтоо сонсогч олондоо өргөн барих гэж байна.
Монголын кино урлагт нэгэн шинэ шат ахих боломж ирэх тавдугаар сард Улаанбаатарт нээгдэх гэж байна. “Хануй филм” Төрийн бус байгууллагаас Монголын кино урлагийн салбарын цаашдын хөгжилд хувь нэмэр оруулах, олон улсын туршлагатай уран бүтээлчдийг Монголдоо авчирч тэднээс суралцах, харилцаа холбоо тогтоох, хамтын ажиллагааны боломжийг нэмэгдүүлэх, дэлхийн чиг хандлагатай хөл нийлүүлэн алхаж, хуран бүтээлчдийг чадавхжуулах, тэдэнд шинэ санаа сэдлийг өгөх, уран бүтээлчид болон эх орноо дэлхий дахинд сурталчлан таниулах зорилгоор “Холливуд Монголд” олон улсын кино уран бүтээлчдийн наадмыг зохион байгуулахаар болжээ.
Оюутнуудын мэргэжлийн ур чадварыг дээшлүүлж, авъяас сонирхол, бүтээлч сэтгэлгээг хөгжүүлэх, мэргэжлүүдийн уялдаа холбоог сайжруулах зорилгоор Соёл урлагийн их сургуулийн Театрын урлагийн сургуулийн “Найруулах, жүжиглэх урлагийн тэнхим”-ээс санаачлан “Олон улсын театрын өдөр”-ийг тохиолдуулан мэргэжлийн урлагийн их, дээд сургуулийн оюутнуудын дунд “3.27” оюутны их наадмыг 2019 оны 03-р сарын 30,31-ны өдрүүдэд хоёр үе шаттайгаар СУИС-ийн “Оюутан” театрт зохион байгуулах гэж байна.
Монгол Улсыг дэлхийд төлөөлөх соёлын бүтээгдэхүүний өнөөгийн байдлыг тогтоох, дараагийн шатны судалгааны суурь үндсэн ойлголтыг бий болгох зорилгоор “Монголыг төлөөлөх соёлын аялал жуулчлалын бүтээгдэхүүн” судалгааг гаргажээ.
БСШУС-ын сайдын зөвлөлийн анхдугаар хуралдаанаар таван асуудлыг хэлэлцэв. Хурлын эхэнд сайд Ёндонпэрэнлэйн Баатарбилэг боловсрол, соёл, шинжлэх ухаан, спортын салбарын өнөөгийн байдал, 2019 оны зорилтуудын талаар илтгэл тавьж, мэдээлэл хийв.
Засгийн газрын өчигдрийн /2019.03.22/ хуралдаанаар Кино урлагийг дэмжих тухай хуулийн төслийг хэлэлцэн дэмжиж УИХ-д өргөн мэдүүлэхээр болов. Төсөлд төрөөс кино урлагийг хөгжүүлэх бодлогын чиглэл, зарчмыг тодорхойлж, төрийн байгууллагийн эрх, үүрэг, кино урлагийн мэдээллийн сан бүрдүүлэх зэргийг тусгажээ.
“Би нар” хүүхдийн уран сайхны кино ирэх дөрөвдүгээр сарын 5-наас үзэгчдийн хүртээл болох аж. Энэ тухай найруулагч Ж.Сэнгэдорж өнөөдөр /2019.03.22/ сэтгүүлчдэд мэдээлэл хийлээ. “Би нар” кинонд 13 настай хүүхдийн тухай өгүүлэх аж. Орчин цагийн технологийн дэвшил, нийгмийн хөгжил гэр бүлийн амьдралд ямар нөлөө үзүүлж байгаа, тэр нь шилжилтийн насандаа байгаа хүүхдэд хэрхэн тусч буйг харуулахыг зорьжээ.